ఓవర్సీస్‌తో పాటు తెలుగు రాష్ట్రాల్లో విడుదలైన అర్జున్ రెడ్డి కలెక్షన్ల సునామీ సృష్టిస్తోంది. విడుదలైన ప్రతీ ప్రాంతంలోనూ హిట్ టాక్‌తో దూసుకుపోతోంది. తెలుగు సినీ చరిత్రలో మరో వందేళ్ల పాటు ఈ సినిమా గుర్తుండిపోతుందంటూ క్రిష్ వంటి స్టార్ డైరెక్టర్లు ఎందరో పొగడ్తల వర్షం కురిపిస్తున్నారు. ముఖ్యంగా సినిమాలోకి బోల్డ్ డైలాగ్స్‌ యువతకు తెగ నచ్చేశాయి. ఈ సినిమాపై వర్మ, కేటీఆర్‌ ప్రశంసల జల్లులు కురిపించగా తాజాగా అర్జున్ రెడ్డిని జక్కన్న మురిసిపోయాడు.
ఇప్పుడే అర్జున్ రెడ్డి సినిమా చూశానని ట్వీట్ చేసిన జక్కన్న ప్రేమ కథలు తెరకెక్కించడం నా తరం కాదన్నాడు. అయినా ఈ సినిమాను ప్రశంసించకుండా ఉండలేను. సినిమాలో విజయ్ దేవరకొండ అదరగొట్టేశాడు. అర్జున్ పాత్రలో జీవించేశాడు. అతనే కాదు నటి షాలిని, మిగతా నటీనటులు కూడా చాలా బాగా నటించారు. డైలాగులు కూడా ఆకట్టుకుంటున్నాయి. క్రెడిట్‌ అంతా దర్శకుడు సందీప్‌ వంగదే. చిత్రబృందాన్ని చక్కగా హ్యాండిల్‌ చేయగలిగాడు. సినిమా విజయం సాధించిన సందర్భంగా చిత్రబృందానికి అభినందనలు’ అని ట్వీట్ చేశారు జక్కన్న.
ఇక హీరోయిన్ సమంత సైతం అర్జున్ రెడ్డి చిత్ర బృందాన్ని ప్రశంసించారు. ఈ సినిమాను చూసిన ఆమె ట్విటర్‌ వేదికగా తన అభిప్రాయాన్ని పంచుకున్నారు. చాలా రోజుల తర్వాత తను చూసిన అసలైన సినిమా అర్జున్ రెడ్డి అని చెప్పారు. టీం పనితీరు అద్భుతంగా ఉందని అన్నారు.
అర్జున్ రెడ్డి సినిమా చాలా నచ్చిందని, కథ చక్కగా రాశారని చెప్పారు హీరో వరుణ్ తేజ్‌. విజయ్ నటన, సినిమాటోగ్రఫీ గొప్పగా ఉందన్న వరుణ్.. సందీప్‌ వంగా విజన్‌, టేకింగ్‌ బావుందని చెప్పారు. ఈ సినిమాను మిస్‌ అవ్వొద్దని వరుణ్ పేర్కొన్నారు.
Just saw Arjun Reddy. Though love stories are not my cup of tea, can't but appreciate the film. Top notch performance by Vijay Devarakonda.
— rajamouli ss (@ssrajamouli) August 29, 2017
