సంపత్ నంది దర్శకత్వంలో గోపిచంద్ హీరోగా తెరకెక్కిన చిత్రం సీటిమార్. ఇప్పటికే షూటింగ్ పూర్తికాగా పలుమార్లు రిలీజ్ డేట్ వాయిదా పడగా.. ఇటీవల సెప్టెంబర్ 3న సినిమాను రిలీజ్ చేయనున్నామని మేకర్స్‌ ప్రకటించారు. కానీ ఆ తరువాత దర్శక నిర్మాతలు తమ నిర్ణయాన్ని మార్చుకున్నారు. కొత్త రిలీజ్ డేట్‌ను త్వరలో ఖరారు చేస్తామని అన్నారు.
ఈ మేరకు తాజాగా ఈరోజు కొత్త రిలీజ్ డేట్‌ను కొంతసేపటి క్రితం ప్రకటించారు. ‘వినాయకచవితి’ పండుగ సందర్భాన్ని పురస్కరించుకుని, ఈ సినిమాను సెప్టెంబర్ 10వ తేదీన విడుదల చేయనున్నారు. కబడ్డీ నేపథ్యంలో రూపుదిద్దుకున్న ఈ స్పోర్ట్స్ డ్రామాలో గోపీచంద్‌తో పాటు మిల్కీ బ్యూటీ తమన్నా కూడా జ్వాలారెడ్డి అనే స్పోర్ట్స్ ఉమెన్ పాత్ర చేస్తోంది. భూమిక హీరో సిస్టర్ గా నటిస్తోంది. మరో యువ కథానాయిక దిగంగనా సూర్యవంశీ సైతం కీలక పాత్ర పోషిస్తోంది.
ఇప్పటి వరకు ఈ సినిమా నుంచి విడుదలైన రెండు పాటలు జ్వాలా రెడ్డి , పెప్సీ ఆంటీ సాంగ్స్ కు మంచి స్పందన వచ్చింది. ఇక ఈ చిత్రం గోపీచంద్, తమన్నా ఇద్దరూ కబడ్డీ కోచ్ లుగా కనిపించనున్నారు. శ్రీనివాస సిల్వర్ స్క్రీన్ బ్యానర్ పై శ్రీనివాస చిట్టూరి ఈ సినిమాను నిర్మిస్తున్నారు. గోపీచంద్ – సంపత్ నంది కాంబినేషన్ లో గౌతమ్ నంద తర్వాత వస్తున్న రెండో సినిమా ఇది. దీనిపై భారీ అంచనాలు నెలకొన్నాయి.
