వినాయకచవితి కానుకగా విడుదలైన ఆ రెండు సినిమాలపైనే ప్రస్తుతం టాక్ నడుస్తోంది. ఒకటి నాగచైతన్య హీరోగా మారుతి దర్శకత్వంలో తెరకెక్కిన శైలజారెడ్డి అల్లుడు కాగా మరొకటి సమంత హీరోయిన్‌గా తెరకెక్కిన యూ టర్న్ మూవీ. విడుదలకు ముందే ఈ రెండు సినిమాలపై భారీ అంచనాలు నెలకొన్నాయి. అంతేగాదు ఎవరి సినిమా ఎక్కువ వసూళ్లను రాబడుతుందోనని అంతా ఆసక్తిగా ఎదురుచూశారు.
ఈ రేసులో పైచేయి సాధించింది సమంత. చైతూ శైలజారెడ్డి గారి అల్లుడు కంటే ఎక్కువ వసూళ్లను రాబట్టి సత్తాచాటింది సమంత. అయితే ఈ రెండు సినిమాలకు పాజిటివ్ రేటింగ్ రావడం విశేషం.
శైలాజారెడ్డి అల్లుడు పూర్తి స్థాయిలో అంచనాలు అందుకోలేకపోయిందనే కామెంట్స్ వినిపిస్తుండగా యుటర్న్ తను టార్గెట్ చేసిన ఆడియన్స్ తో పాస్ మార్కులు వేయించుకోవడమే కాదు క్రిటిక్స్ తో సైతం మెప్పు పొందింది. ఉక్కిరిబిక్కిరి చేసే ట్విస్టులతో ఈ సినిమా ఆకట్టుకుంటుందని వారు పేర్కొన్నారు.
