ప్రస్తుతం టాలీవుడ్‌లో విజయ్ దేవరకొండకి వున్న క్రేజ్ అంతా ఇంతా కాదు. అర్జున్ రెడ్డి చిత్రంతో స్టార్ హీరోగా ఎదిగిన విజయ్ హీరోగా జీఏ2 పిక్చర్స్‌ బ్యాన‌ర్‌లో చేస్తున్న చిత్రం ‘గీత గోవిందం’. బన్నీ వాసు నిర్మాతగా వ్యవహరిస్తున్నాడు. విజయ్ అభిమానులంతా ఈ సినిమా కోసం వేయికళ్లతో ఎదురుచూస్తున్నారు.
ఇక ఇదివరకే విడుదలైన టీజర్లు .. ట్రైలర్లు .. పాటలకు మంచి రెస్సాన్స్‌ వచ్చింది. గీతాఆర్ట్స్‌లో శ్రీర‌స్తు శుభ‌మ‌స్తు లాంటి ఫ్యామిలీ ఎంట‌ర్‌టైన‌ర్‌తో విజ‌యం సాధించిన ప‌రుశురాం(బుజ్జి) దర్శకత్వంలో తెరకెక్కుతుంది. ఈ చిత్రంలో రష్మిక మందన కథానాయికగా నటిస్తోంది.
ఇక మూవీ ప్రీ రిలీజ్ ఈవెంట్‌ను విషయానికొస్తే.. ఈ నెల 12వ తేదీన నిర్వహించడానికి సిద్ధమౌతున్నారు చిత్ర యూనిట్‌. ఈ ఈవెంట్‌ వైజాగ్ ఆంధ్రా యూనివర్సిటీ క్యాంపస్‌లోని సర్ సి.ఆర్. రెడ్డి కాన్వొకేషన్ హాల్‌లో నిర్వహించనున్నారు. ఆ రోజున సాయంత్రం 5 గంటల నుంచి ఈ వేడుక ప్రారంభమౌతుంది.
పోస్టర్స్ స్థాయి నుంచే ఈ సినిమా యూత్‌ను తన వైపుకు తిప్పుకుంది. విజయ్ దేవరకొండ ఖాతాలో మరో భారీ హిట్ చేరనుందనే టాక్ మాత్రం బలంగానే వినిపిస్తోంది. ఈ సినిమాను ఈ నెల 15వ తేదీన ప్రపంచవ్యాప్తంగా విడుదల చేయనున్నారు.
