న్యూ ఇయర్‌ సందర్భంగా భారత్‌లో కూడా కొత్త స్మార్ట్‌ఫోన్‌ మార్కెట్‌లో అడుగుపెట్టబోతుంది. ఇప్ప‌టికే టెనార్ బ్రాండ్ పేరుతో ఈ, జీ అనే స్మార్ట్ఫోన్లను విడుదల చేసిన ఆన్‌లైన్ దిగ్గ‌జ సంస్థ అమెజాన్ ఇప్పుడు కొత్త మోడ‌ల్ స్మార్ట్‌ఫోన్‌తో ముందుకొస్తోంది. టెనార్ బ్రాండ్ పేరుతోస్మార్ట్‌ఫోన్ రంగంలో ప్ర‌వేశించిన అమెజాన్ ఇండియా.. త్వ‌ర‌లో కొత్త మోడ‌ల్ స్మార్ట్‌ఫోన్‌ను విడుదల చేయ‌నుంది.
కొత్త సంవత్సరంలో ఈ సరికొత్త స్మార్ట్‌ఫోన్‌ను విడుదల చేయనున్న‌ట్లు ప్ర‌క‌ట‌న‌లో పేర్కొంది. ప్రైవేటు లేబుల్స్‌ సోలిమో, సింబల్‌, మిక్స్‌ బ్రాండ్ల కింద ఫ్యాషన్‌, ఎలక్ట్రానిక్‌ గ్యాడ్జెట్లను కూడా అమెజాన్ విక్రయిస్తోంది. ఆన్‌లైన్ వ్యాపారంలో అమెజాన్‌కి పోటీగా ఉన్న ఫ్లిప్‌కార్ట్‌ కూడా ఇటీవల స్మార్ట్‌ఫోన్‌ మార్కెట్లోకి అడుగుపెట్టి, బిలియన్ బ్రాండ్ పేరుతో స్మార్ట్ఫోన్లను తీసుకొచ్చిన సంగ‌తి తెలిసిందే.
