టీమిండియా మాజీ డాషింగ్ ఒపెనర్ సెహ్వాగ్ సోషల్ మీడియాలో ట్వీట్లతో హల్ చల్ చేస్తున్నాడు. ఎప్పుడూ సరదాగా ఉండే సెహ్వాగ్.. ఎవరితోనైనా తన మనసులో మాటను కుండ బద్దలు కొట్టినట్టు చెప్పేస్తాడు. ఇటీవల సచిన్ టెండుల్కర్ తో ట్వీట్టర్ వార్ చేసిన వీరు.. తాజాగా నేడు పుట్టిన రోజు జరుపుకుంటున్న భారత మాజీ క్రికెటర్‌ రితీందర్‌ సోధీకి తనదైన శైలిలో శుభాకాంక్షలు తెలిపాడు.
ఇండియాకి ప్రధానమంత్రి- మోదీ… దిల్లీలో బెస్ట్‌ గార్డెన్‌- లోధీ.. ఈ రోజు పుట్టినరోజు జరుపుకొంటున్న బాలుడు- సోధీ అంటూ 36వ పుట్టిన రోజు జరుపుకొంటున్న సోధీకి జన్మదిన శుభాకాంక్షలు చెప్పాడు.
1980లో పంజాబ్‌లోని పటియాలాలో జన్మించిన రితీందర్‌ సోధీ 2000 సంవత్సరంలో కటక్‌లో జింబాబ్వేపై జరిగిన మ్యాచ్‌లో అరంగేట్రం చేశాడు. దేశం తరఫున 18వన్డేలు, 14 టీ-20లు ఆడాడు. 2002 సంవత్సరంలో జోధ్‌పూర్‌లో వెస్టిండీస్‌పై చివరి వన్డే ఆడాడు. అండర్‌ 15, అండర్‌ 19 ప్రపంచకప్‌ పోటీల్లో రాణించిన సోధీ జాతీయ జట్టులో కొంతకాలమే ఆడాడు.
In life don't be a Dumbo,
Be like JUMBO.
Kumble doesn't do any Jumle.
K-U-M-B-L-E is very HUMBLE.
Happy Birthday @anilkumble1074 ji pic.twitter.com/Q5RSvYhF1y— Virender Sehwag (@virendersehwag) October 17, 2016
టీమిండియా దిగ్గజ స్పిన్నర్‌, మాజీ కెప్టెన్ అనిల్ కుంబ్లే సోమవారం (అక్టోబర్ 17)న 46వ పుట్టినరోజు జరుపుకుంటున్న సందర్భంగా కూడా సెహ్వాగ్ కుంబ్లేకు జన్మదిన శుభాకాంక్షలు తనదైన శైలిలో చెప్పాడు. డంబో, జంబో, జుమ్లే, అంటూ సరదాగా పొయెటిక్ స్టైల్‌లో ఆటపట్టించాడు. జీవితంలో డంబోగా ఉండద్దని ఎప్పడూ జంబోగానే ఉండాలని సూచించాడు. కుంబ్లే అందరితో ఎప్పుడూ వినయంగానే నడుచుకుండేవాడని సెహ్వాగ్ ట్వీట్ చేశాడు.
