స్క్రీన్‌ మీద బాలీవుడ్ నటి సన్నీలియోన్‌ కనడతే చాలు యూత్‌ అంతా అరుపులూ కేకలతో తెగ హంగామా చేసేస్తారు. ఆ హంగామా కేవలం ధియేటర్‌ లోనే అనుకుంటే మాత్రం పొరపాటే. సన్నీ ఎక్కడ అడుగు పెట్టినా సన్నీని చూడడానికి ఫ్యాన్స్‌ ఎగబడాల్సిందే.
తాజాగా కొచ్చిలో ఓ మొబైల్ కంపెనీ ఆవిష్క‌ర‌ణ కోసం వ‌చ్చిన సన్నీ లియోన్‌ను చూడ‌టానికి జ‌నం భారీగా త‌ర‌లి వ‌చ్చారు. వ‌చ్చిన జ‌నాన్ని చూసి సన్నీ షాకైపోయింది. వారు చూపిస్తున్న ప్రేమ‌కు, అభిమానానికి ఆమె ట్విట్ట‌ర్ వేదిక‌గా కృత‌జ్ఞ‌త‌లు తెలియ‌జేసింది.
కొచ్చిలోని ఎంజీరోడ్‌లో `ఫోన్‌4 డిజిట‌ల్ హ‌బ్‌` ప్రారంభోత్స‌వానికి సన్నీ హ‌జ‌రైంది. ఆమె రావ‌టం ఆల‌స్య‌మ‌వుతుంద‌ని తెలిసినా సన్నీ కోసం గంట‌ల త‌ర‌బ‌డి అభిమానులు ఎదురుచూశార‌ని నిర్వాహ‌కులు తెలిపారు.
ఆమె వ‌చ్చాక అభిమానులంతా `వియ్ ల‌వ్ సన్నీ` అంటూ నినాదాలు కూడా చేశారు. ఇందుకు సంబంధించిన వీడియోను సన్నీ త‌న ట్విట్ట‌ర్ అకౌంట్‌లో షేర్ చేసింది. `కేర‌ళ అభిమానులు చూపించిన ప్రేమ‌ను నా జీవితంలో మ‌ర్చిపోలేను` అంటూ సన్నీ లియోన్ ట్వీట్ చేసింది.
No words…Can't thank the people of Kochi.Was so overwhelmed by the love&support.Never will forget Gods own Country Kerala!Thank you #fone4 pic.twitter.com/UTAnjlYvc5
— Sunny Leone (@SunnyLeone) August 17, 2017
