నాచురల్ స్టార్ నాని రేంజ్ రోజు రోజుకి పెరిగిపోతోంది. ఎందుకంటే ఈ త‌రం హీరోల‌లో నానికి ఉన్న స‌క్సెస్ రేటు మ‌రే హీరోకి లేద‌నే చెప్పాలి. ఇప్పటికే డ‌బుల్ హ్య‌ట్రిక్ సాధించిన నాని నిన్నుకోరి చిత్రంతో మరో హిట్ కొట్టాడు. ఇక ప్ర‌స్తుతం దిల్ రాజు నిర్మాణంలో వేణు శ్రీరామ్ దర్శకుడిగా ‘ఎంసీఏ’ సినిమాను నాని మొదలుపెట్టిన సంగతి తెలిసిందే. ప్ర‌స్తుతం ఈ సినిమా పోస్ట్ ప్రొడ‌క్ష‌న్ కార్య‌క్ర‌మాల‌ను మొదలుట్టారు. డిసెంబ‌ర్ 21న ప్రేక్ష‌కుల ముందుకు తీసుకురావ‌డానికి ప్లాన్ చేస్తున్నారు చిత్ర యూనిట్‌. దీని తర్వాత తాను చేయబోయే మరో సినిమా ‘కృష్ణార్జున యుద్ధం’ ఈ సినిమా షూటింగ్ ప్రారంభమైంది. ఇటీవల ఒకేసారి రెండు చిత్రాలను ప్రకటించిన నాని తన రెండో చిత్రాన్ని కూడా పట్టాలెక్కించేశాడు. ‘కృష్ణార్జున యుద్ధం’ షూటింగ్‌‌లో కూడా పాల్గొంటున్నాడు.
‘కృష్ణార్జున యుద్ధం’వచ్చే ఏడాది మొదటి రెండు మూడు నెలల్లో విడుదల కావచ్చు అని తెలుస్తోంది. అయితే ఈ రెండు సినిమాలు కాకుండా మరో మెగా మూవీ కి ఓకే చెప్పాడట నేచురల్ స్టార్. ఇండియాలోనే గొప్ప డైరెక్టర్ అయన మణిరత్న తో ఒక సినిమా చేయబోతున్నాడని తెలుస్తోంది. మణిరత్నం ఒక కథ ఇప్పటికే నానికి వినిపించాడని దానికి నాని కూడా ఓకే చెప్పాడని అంటున్నారు సినీ వర్గాలు. నానికి మణిరత్నం అంటే ఎంత ఇష్టమో అందరికీ తెలిసిందే.
మెగా డైరెక్టర్ మణిరత్నం తెరకెక్కించిన ఓకే బంగారం సినిమాలో హీరో దుల్కర్ సల్మాన్ కు డబ్బింగ్ కూడా చెప్పాడు నాని. ఆ సినిమా వేదిక పై నేను ఎప్పటికైనా మణిరత్నం సినిమా హీరో అవ్వాలి అనుకుంటున్నాను అని కూడా చెప్పాడు. మొత్తానికి అప్పుడు హీరో కి మాటలు అరువిస్తే ఇప్పుడు ఏకంగా మణిరత్నం సినిమాలో హీరో అయ్యాడు అనమాట. అసలు నాని ఆశ ఈ ఏడాదే తీరవలిసింది కానీ ఏదో కారణం చేత ఆ ప్రాజెక్టు వర్క్ ఔట్ కాలేదు. ఇప్పుడు చేస్తున్న సినిమాలు అన్నీ పూర్తి చేసిన వెంటనే మణిరత్నం సినిమా మొదలుపెడతాడట ఈ నాచురల్ స్టార్.
