తెలుగు ఇండస్ట్రీ గురించి కాస్త పరిచయం ఉన్న ఎవరైనా.. మహేష్ బాబుకి బోలెడెంత ఇగో ఉందని ఇట్టే చెప్పేస్తారు. పైగా మహేష్ తెలుగులో సూపర్ స్టార్. అలాంటి ఇగో ఉన్న ఒక సూపర్ స్టార్.. పక్క ఇండస్ట్రీ హీరోకి తాను పెద్ద అభిమానిని అని చెప్పడం ఇప్పుడు హాట్ టాపిక్ అయ్యింది. నిన్న హైదరాబాద్ లో జరిగిన యానిమల్ ప్రీ రిలీజ్ ఈవెంట్‌లో మహేశ్ బాబు మాట్లాడారు. ‘నా దృష్టిలో రణ్బీర్ ఇండియాలో బెస్ట్ యాక్టర్. ఇప్పటివరకు అతని బెస్ట్ వర్క్ యానిమల్ అని అనుకుంటున్నా. అలాగే, ఈ సినిమా తప్పకుండా బ్లాక్ బస్టర్ హిట్ కావాలని కోరుకుంటున్నాను’ అని చెప్పారు. అంతేనా.. బాలీవుడ్ స్టార్ హీరో రణ్బీర్ కపూర్‌కు తాను పెద్ద ఫ్యాన్‌ అని మహేశ్ బాబు చెప్పడం విశేషం.
ఇదిలా ఉంటే.. రణబీర్ కపూర్ మాత్రం ప్రభాస్ పై అభిమానం చూపిస్తున్నాడు. నందమూరి బాలకృష్ణ హోస్టుగా వ్యవహరిస్తున్న అన్‌స్టాపబుల్ టాక్ షోకు బాలీవుడ్ హీరో రణబీర్ కపూర్ విచ్చేసి సందడి చేసిన సంగతి తెలిసిందే. ఈ కార్యక్రమంలో రణబీర్ ఇంట్రెస్టింగ్ కామెంట్స్ చేశారు. ప్రభాస్ హీరోగా డైరెక్టర్ సందీప్ రెడ్డి వంగా తెరకెక్కించే ‘స్పిరిట్’ చిత్రంలో తనకు కూడా నటించాలని ఉందని అన్నాడు. ‘స్పిరిట్’లో చిన్న రోల్ ఇచ్చినా చేస్తా అని చెప్పుకొచ్చాడు. దీంతో ఈ కామెంట్స్ ను ప్రభాస్ ఫ్యాన్స్ వైరల్ చేస్తున్నారు. తమ హీరో ప్రభాస్ పై రణబీర్ అభిమానం చూపిస్తుంటే.. మహేష్ మాత్రం రణబీర్ పై అభిమానం చూపిస్తున్నాడు అంటూ పోస్ట్ లు పెడుతున్నారు.
ఏది ఏమైనా ప్రస్తుతం దేశవ్యాప్తంగా సినీ ల‌వ‌ర్స్ అంద‌రూ వెయిట్ చేస్తున్న సినిమా యానిమల్. రణ్బీర్ కపూర్ హీరోగా సందీప్ రెడ్డి వంగ ద‌ర్శ‌క‌త్వంలో తెర‌కెక్కిన ఈ సినిమా డిసెంబ‌ర్ 1న రిలీజ్ కాబోతుంది. చిత్ర ప్ర‌మోష‌న్స్ లో రణ్బీర్ మాట్లాడుతూ, ఇన్నాళ్లూ అర్జున్ రెడ్డి సినిమాని సందీప్ బ‌యోపిక్ అనుకున్నాన‌ని, కానీ సందీప్ యొక్క నిజ‌మైన బ‌యోపిక్ యానిమల్ అని తెలిపాడు. కాగా, ఈ సినిమాలో ర‌ష్మిక హీరోయిన్‌గా న‌టించింది.
Also Read:Kavitha:బాండ్ పేపర్లతో చెత్త రాజకీయాలు
