గ్రేటర్‌లో మద్యం అమ్మకాలు మళ్లీ షురూ..

జీహెచ్‌ఎంసీ ఎన్నికల పోలింగ్‌ ముగిసింది. గ్రేటర్‌ హైదరాబాద్‌ పరిధిలో పోలింగ్‌ ముగియడంతో వైన్స్‌, బార్లు, రెస్టారెంట్లు మళ్లీ తెరుచుకున్నాయి. మద్యం షాపుల ముందు మందు బాబులు క్యూ కట్టారు. నవంబర్‌ 29వ తేదీ ఆదివారం సాయంత్రం 6 గంటల నుంచి డిసెంబర్ 01వ తేదీ సాయంత్రం 6 గంటల వరకు మద్యం విక్రయాలు నిలిపివేశారు. ఇక గురువారం ఓల్డ్‌ మలక్‌పేట్‌లో రీపోలింగ్‌ నిర్వహించనున్నారు. రీ పోలింగ్‌ వల్ల ఎల్లుండి సాయంత్రం 6 గంటల వరకు ఎగ్జిట్‌పోల్స్‌పై ఎన్నికల సంఘం నిషేధం విధించింది. ఈనెల 4న ఓట్లు లెక్కింపు జరగనుంది. కాగా పోలింగ్ ఈ సారి మందకొడిగా సాగింది.