బిగ్ బాస్ తెలుగు 6 విజయవంతంగా నాలుగోవారం పూర్తి చేసుకోవడానికి వచ్చింది. నాలుగోవారం కెప్టెన్‌గా కీర్తి ఎంపికయ్యారు. నాలుగోవారం కెప్టెన్సీ రేస్‌లో కీర్తి, శ్రీ సత్య, సుదీప ముగ్గురు పోటీపడగా నెంబర్ గేమ్ టాస్క్‌లో కీర్తి చివరి వరకూ గట్టిగా పోరాడి బిగ్ బాస్ హౌస్‌కి నాలుగో కెప్టెన్ అయ్యింది. ఈ సీజన్‌లో తొలి మహిళా కంటెస్టెంట్‌గా నిలిచింది.
కీర్తి కెప్టెన్ కావడంతో బాలాదిత్య అందరికీ స్పూర్తి.. మా కెప్టెన్ కీర్తి అని నినాదాలు అందుకున్నారు. శ్రీ సత్య గేమ్‌లో ఓడిపోయి పక్కన కూర్చోగా… అర్జున్ కళ్యాణ్ ఆమె కాళ్లు నొక్కుతూ కనిపించాడు. ఇక ఈవారం వరస్ట్ పెర్ఫామర్ తేల్చే ప్రక్రియను మొదలుపెట్టారు. ఎవరైతే వరస్ట్ అని అనుకుంటున్నారో వాళ్ల పేరు రాసి.. బ్యాలెట్ బాక్స్‌లో వేయాలని అన్నారు. ఎక్కువ ఎవరికి ఓట్లు వస్తే వాళ్లు జైలుకిపోతారని చెప్పారు బిగ్ బాస్.
తొలుత వచ్చిన ఫైమా.. అర్జున్ కళ్యాణ్ పేరు చెప్పగా ఆదిరెడ్డి.. చంటి,రాజ్.. గీతు,సుదీప.. అర్జున్ కళ్యాణ్,చంటి.. అర్జున్ కళ్యాణ్,కీర్తి.. శ్రీహాన్,రేవంత్.. ఇనయ,ఆరోహి.. అర్జు కళ్యాణ్,కీర్తి.. అర్జున్ కళ్యాణ్,బాలాదిత్య.. చంటి,ఆర్జే సూర్య.. అర్జున్ కళ్యాణ్,అర్జున్ కళ్యాణ్.. చంటి,మెరీనా-రోహిత్.. అర్జున్ కళ్యాణ్,శ్రీ సత్య.. ఫైమా,ఇనయ.. చంటి,గీతు.. చంటి,వాసంతి.. రాజ్ పేర్లను చెప్పారు. మొత్తంగా ఎక్కువ ఓట్లు అర్జున్ కళ్యాణ్‌కి రావడంతో అతడిని జైలుకి పంపారు.
