ఈనెల 17న అరకు ఎంపీ వివాహం…

అరకు ఎంపీ,వైసీపీ నాయకురాలు గొడ్డేటి మాధవి పెళ్లి ఈనెల 17న జరగనుంది. గొలుగొండ మండలం కృష్ణాదేవిపేటకు చెందిన కుసిరెడ్డి శివప్రసాద్‌తో ఇటీవలె ఆమె నిశ్చితార్థం జరిగింది. 17న శరభన్న పాలెంలో పెళ్లి, విశాఖలో రిసెప్షన్ నిర్వహించనున్నట్లు ఆమె కుటుంబసభ్యులు తెలిపారు.

2019 సాధారణ ఎన్నికల్లో అరకు ఎంపీగా సీనియర్ నేత, కేంద్ర మాజీ మంత్రి కిషోర్ చంద్రదేవ్ పై మాధవి 2లక్షల 21వేల ఓట్ల భారీ మెజార్టీతో విజయం సాధించారు. అంతేగాదు ప్రస్తుతం ఉన్న లోక్ సభలో అత్యంత పిన్నవయస్కురాలిగా రికార్డు సృష్టించారు.

కమ్యూనిస్టు నేత గొడ్డేటి దేముడు కుమార్తె మాధవి. తండ్రి వారసత్వంగా తొలిసారిగా రాజకీయాల్లో వచ్చారు. తల్లి చెల్లయమ్మ ఎస్జీటీగా పనిచేస్తున్నారు.