భారత కెప్టెన్ విరాట్ కోహ్లి, బాలీవుడ్ నటి అనుష్క శర్మ ప్రేమాయణం గురించి అందరికీ తెలిసిందే. విరాట్ గురించి అనుష్క శర్మ ఎక్కడా బహిరంగంగా పెదవి విప్పనప్పటికీ.. వివాహ వేడుకలకి, విహార యాత్రలకి ఈ జంట వెళుతూ మీడియా కంట పడుతూనే ఉంది.
వీరిద్దరి ఫొటోలు భయటకు రావడమే ఆలస్యం.. సోషల్‌మీడియాలో తెగ షేర్‌ చేస్తూనే ఉంటారు. టెస్టు సిరిస్ అనంతరం టీమిండియాకు కాస్తంత విరామం లభించడంతో విరాట్ కోహ్లీ శ్రీలంకలో అనుష్క శర్మతో చెట్టాపట్టాలేసుకుని తిరుగుతున్నాడు.
శ్రీలంకలోని అలియా రిసార్ట్‌ అండ్‌ స్పాలో విరాట్, అనుష్క కలిసి చెట్టు నాటారు. ఈ సందర్భంగా తీసిన ఫొటోలను ఫ్యాన్స్‌ క్లబ్‌ సోషల్‌మీడియాలో పోస్ట్‌ చేసింది. దీంతో అవి కాస్త ప్రస్తుతం వైరల్‌గా మారాయి. అంతకముందు ఛాంపియన్స్ ట్రోఫీ ముగిసిన తర్వాత వెస్టిండిస్ పర్యటన ముందు కోహ్లీ, అనుష్కతో కలిసి అమెరికాలో పర్యటించిన సంగతి తెలిసిందే.
