కోలీవుడ్‌ స్టార్ విజయ్ దళపతి నటించిన వారసుడు సినిమా విడుదలై…వారం కాకముందే అప్పుడే ఓటీటీలోకి రానున్నట్టు కోలీవుడ్‌లో సమాచారం. వంశీ పైడిపల్లి దర్శకత్వంలో వచ్చిన వారసుడు జనవరి 11న తమిళంలో విడుదలైంది. అయితే తెలుగులో మాత్రము శనివారం విడుదలైంది. విడుదలైన మొదటి రోజు నుంచి మిక్స్‌డ్‌ టాక్ తెచ్చుకున్న ఈ సినిమాపై తెలుగు ప్రేక్షకులు అంతగా ఆసక్తి చూపించడంలేదు. ఫ్యామిలీ ఆడియోన్స్‌ను దగ్గర చేసుకోవడంలో ఈ సినిమా విజయం సాధించింది. కాగా ఇందులో కథ కథనం లేకపోయినా…కుటుంబ బంధాలను చక్కగా చూపించడంలో వంశీ సఫలమయ్యారు. అయితే ఈ సినిమాను అమెజాన్‌ ప్రైమ్‌ దక్కించుకుంది. ఎనిమిది నుంది పది వారాల మధ్యలో ఈ సినిమాను రిలీజ్ చేస్తున్నట్టు నిర్మాత దిల్‌రాజు త్వరలో ప్రకటించనున్నట్టు కోలీవుడ్‌ సమాచారం. ఈ సినిమాలో విజయ్ దళపతి, రష్మిక, శ్రీకాంత్, జయసుధ, శరత్‌కుమార్‌ కీలకపాత్రలో నటించారు.
ఇవి కూడా చదవండి…
