బిచ్చగాడు 3… విజయ్ క్లారిటీ!

విజయ్ ఆంటోని దర్శకుడిగా హీరోగా తెరకెక్కిన చిత్రం బిచ్చగాడు. ఈ సినిమాకు సీక్వెల్‌గా వచ్చిన బిచ్చగాడు 2కూడా బాక్సాఫీస్‌ని షేక్ చేసింది. ఈ నేపథ్యంలో బిచ్చగాడు 3పై క్లారిటీ ఇచ్చారు విజయ్.

రీసెంట్‌గా విజ‌య్ ఆంటోని త‌న టీమ్‌తో తిరుప‌తి థియేట‌ర్స్‌లో సంద‌డి చేశారు. ప్రేక్ష‌కుల‌ను క‌లిసి వారికి ధ‌న్య‌వాదాలు తెలియ‌జేసిన విజ‌య్‌.. నా కెరీర్‌లో ‘బిచ్చగాడు 2’ మూవీ మ‌రో మైల్‌స్టోన్‌గా నిలిచిందన్నారు. ఈ సినిమా హిట్‌తో బిచ్చగాడు 3 చేయడానికి నిర్ణయించుకున్నానని తెలిపారు.

బిచ్చగాడు 2 కంటే పెద్ద బడ్జెట్‌తో బిచ్చగాడు 3 సినిమాను చేయబోతున్నాం అన్నారు. అయితే ఇది తెరకెక్కడానికి రెండు సంవత్సరాలు పడుతుందన్నారు. బిచ్చగాడు 3 లో మరో పెద్ద సామాజిక సమస్యను ఎత్తి చూపే ప్రయత్నం చేయబోతున్నాం అని తెలిపారు. దీంతో ఈ సినిమాపై అంచనాలు మరింత పెరిగిపోయాయి.