డాలర్ శేషాద్రి,శివశంకర్ మాస్టర్‌లకు వెంకయ్య నివాళి

తిరుమల శ్రీనివాసుని సేవకుడు శేషాద్రి,నృత్య దర్శకుడు శివశంకర్ మాస్టర్‌ మృతిపట్ల ఉపరాష్ట్రపతి వెంకయ్యనాయుడు సంతాపం తెలిపారు. తిరుమల శ్రీనివాసుని సేవకుడు శ్రీ పాల శేషాద్రి గారు పరమపదించారని తెలిసి ఎంతో విచారించాను. తితిదేలో పదవులతో నిమిత్తం లేకుండా పాతకాలం నుంచి వివిధ హోదాల్లో సేవలు అందించిన ఆయన, నేనెప్పుడు తిరుమల వెళ్ళినా దర్శన సమయంలో పక్కనే ఉండి, ఆలయ విశేషాలను వివరించేవారని ట్విట్టర్‌లో పేర్కొన్నారు.

ప్రముఖ నృత్య దర్శకుడు శివశంకర్ మాస్టర్ పరమపదించారని తెలిసి విచారించాను. భారతీయ నాట్య సంప్రదాయాలకు, చక్కని అభినయాన్ని జోడించి దాదాపు 10 భారతీయ భాషల్లోని వందలాది చిత్ర గీతాలకు వారు సమకూర్చిన నృత్యరీతులు అభినందనీయమైనవి అని ట్విటర్‌లో పోస్టు చేశారు వెంకయ్య నాయుడు.