మహేష్ బాబు, త్రివిక్రమ్ క‌ల‌యిక‌లో వ‌స్తోన్న యాక్షన్ ఎంట‌ర్టైన‌ర్ గుంటూరు కారం. సంక్రాంతి కానుక‌గా జ‌న‌వ‌రి 12న ఈ సినిమా ప్రేక్ష‌కుల ముందుకు రానుంది. గుంటూరు కారం సినిమాకు సంబంధించిన నాన్ థియేట్రిక‌ల్ బిజినెస్ పూర్తి అయిన‌ట్లు తెలుస్తోంది. ఈ సినిమా శాటిలైట్ రైట్స్ ప్ర‌ముఖ టీవీ ఛానెల్ జెమినీ సొంతం చేసుకున్న‌ట్లు తెలుస్తోంది. ఇక గుంటూరు కారం ప్రీ రిలీజ్ ఈవెంట్ వాస్త‌వానికి నిన్న హైద‌రాబాద్‌లో జ‌ర‌గాల్సింది కానీ ప‌ర్మిష‌న్స్ రాక‌పోవ‌డంతో వాయిదా ప‌డింది. అయితే ఇప్పుడు ఈ ఈవెంట్‌కు మేకర్స్ మ‌రో కొత్త వేదిక‌ను ఫిక్స్ చేసిన‌ట్లు మేకర్స్ క్లారిటీ ఇచ్చారు.
గుంటూరులోని నంబూరు ఎక్స్ రోడ్స్‌లో రేపు సాయంత్రం 5 గంటల తర్వాత గుంటూరు కారం ఈవెంట్ జరగబోతుంది. ఈ ఈవెంట్ కి భారీ సంఖ్యలో జనం వచ్చే అవకాశం ఉంది. నిజానికి గుంటూరులోని బ్ర‌హ్మానందరెడ్డి స్టేడియంలో ఈ ప్రీ రిలీజ్ ఈవెంట్ చేయ‌డానికి మేకర్స్ మొదట రంగం సిద్ధం చేసుకున్నారు. కానీ, ఎందుకో ఆ తర్వాత ఈ ప్లేస్ ను కూడా మార్చారు. ఇక ‘గుంటూరు కారం’ ట్రైలర్ నిన్న విడుదలైన సంగతి తెలిసిందే. అయితే, ఈ ట్రైలర్ మొదట్లో ఓ ప్రెస్ మీట్‌లో రమ్యకృష్ణను కొన్ని ప్రశ్నలు అడిగే జర్నలిస్ట్ వాయిస్ త్రివిక్రమ్ గొంతులా ఉంది.
ఆయన ఈ సినిమాలో కనిపించే అవకాశం ఉందనిపిస్తుంది. అలాగే ట్రైలర్ ప్రారంభంలో మహేష్ చిన్నప్పుడు కంట్లో నిప్పు రవ్వ పడుతున్నట్టు చూపించారు. మరి మూవీలో మహేష్ కంటికి ఏదైనా ప్రాబ్లమ్ ఉందని చూపిస్తారేమో చూడాలి. అన్నట్టు గుంటూరు కారం సినిమాలో యాక్షన్ అద్భుతంగా ఉంటుందట, ఇంతకీ, ఈ సినిమా ఏ రేంజ్ కలెక్షన్స్ ను రాబడుతుందో చూడాలి.
Also Read:పోరాటాల చిత్రీకరణలో పోలీస్ వారి హెచ్చరిక!
