మహానటుడు, దివంగత నేత మాజీ ముఖ్యమంత్రి నందమూరి తారక రామారావు జీవితం ఆధారంగా తేజ దర్శకత్వంలో ఎన్టీఆర్ బయోపిక్ రూపొందుతున్న విషయం తెలిసిందే. ఈ సినిమాలో ఎన్టీఆర్ పాత్రలో తనయుడు బాలకృష్ణ నటిస్తున్నారు. తాజాగా ఈ సినిమాలో సూపర్ స్టార్ కృష్ణ పాత్ర కోసం మహేష్బాబుని నటించమని బాలయ్య అడిగారట. దీనికి సూపర్ స్టార్ మహేష్ కూడా ఆనందంగా అంగీకరించారని సీనీ ప్రియులు చెబుతున్నారు.
ఎన్టీఆర్ తో కలిసి పలు సినిమాలలో నటించిన స్వర్గీయ తమిళనాడు ముఖ్యమంత్రి జయలలిత. ఆమె పాత్రకు సంబంధించిన కొన్ని సన్నివేశాలు ఈ చిత్రంలో ఉండనున్నాయట. జయలలిత పాత్ర నటి కాజల్ను సంప్రదించినట్లు తెలుస్తోంది. పాత్ర చిన్నదైనప్పటికీ, కీలకమైన పాత్ర కావడంతో అమ్మడు గ్రీన్ సిగ్నల్ ఇచ్చే అవకాశం ఉందని సినీ ప్రియులు చెప్పుకుంటున్నారు. మరోవైపు జూ.ఎన్టీఆర్ కూడా తాతగారి బయోపిక్పై స్పందించాడు. ఆ టీమ్ నన్ను సంప్రదిస్తే తాతగారి బయోపిక్లో నటిస్తాని తెలియజేశారు. ఇంకా మిగతా పాత్రలో కోసం ఎంపిక కొనసాగుతుంది.
ఇటీవలె ఈ మూవీ పూజా కార్యక్రమాలు జరుపుకుంది. ప్రారంభోత్సవ కార్యక్రమానికి ఎన్టీఆర్ ప్రధానంగా పోషించిన పాపులర్ పాత్రలలో ఒకటైనా దుర్యోధనుడి గెటప్లో వచ్చి బాలయ్య సందడి చేశారు. ఇందులో బాలకృష్ణ ఒక పవర్ ఫుల్ డైలాగ్ స్పీచ్తో అభిమానులను ఆకట్టుకున్నారు. ఈ చిత్రంలో బాలకృష్ణ 64 గెటప్లలో కనిపించనున్నారు. ఎన్టీఆర్ సినీ, రాజకీయ ప్రస్థానాన్ని బయోపిక్లో చూపించనున్నారు. త్వరలో ఈ చిత్రం రెగ్యులర్ షూటింగ్ జరుపుకోనుంది.
