టీ20 వరల్డ్‌‌‌కప్‌లో భాగంగా సెమీస్‌లో అడుగుపెట్టింది ఇంగ్లాండ్. షార్జా వేదికగా శ్రీలంకతో జరిగిన మ్యాచ్‌లో ఇంగ్లాండ్ 26 పరుగుల తేడాతో విజయం సాధించి సెమీస్‌లోకి అడుగుపెట్టింది. ఇంగ్లాండ్ విధించిన 164 పరుగుల లక్ష్య చేధనలో శ్రీలంక తడబడింది.
ఓపెనర్లు నిస్సంకా (1), కుశాల్ పెరీరా (7) ఆరంభంలోనే వికెట్లు చేజార్చుకోగా.. అసలంక (21), ఫెర్నాండో (13), రాజపక్సె (26) దూకుడుగా ఆడబోయి పెవిలియన్‌కి చేరిపోయారు. దాంతో.. 10.5 ఓవర్లు ముగిసే సమయానికే 76/5తో నిలిచిన 19 ఓవర్లలోనే 137 పరుగులకి ఆలౌటైంది. ఇంగ్లాండ్ బౌలర్లలో మొయిన్ అలీ, ఆదిల్ రషీద్, క్రిస్ జోర్దాన్ తలో రెండు వికెట్లు, క్రిస్‌వోక్స్, లివింగ్ స్టోన్ చెరో వికెట్ తీశారు.
ఇక అంతకముందు బ్యాటింగ్ చేసిన ఇంగ్లాండ్ నిర్ణీత ఓవర్లలో 4 వికెట్లు కొల్పోయి 163 పరుగులు చేసింది. ఓపెనర్ జోస్ బట్లర్ (101 నాటౌట్: 67 బంతుల్లో 6×4, 6×6) మెరుపు సెంచరీతో రాణించారు. కెప్టెన్ ఇయాన్ మోర్గాన్ (40: 36 బంతుల్లో 1×4, 3×6)రాణించారు.
