ప్రస్తుతం బాలకృష్ణ, బోయపాటి దర్శకత్వంలో నటిస్తోన్న విషయం తెలిసిందే. యాక్షన్ ఎంటర్‌టైనర్‌గా తెరకెక్కుతున్న ఈ చిత్రాన్ని మిర్యాలగూడ రవీంద్రారెడ్డి నిర్మిస్తున్నారు. ఇటీవలే ఈ చిత్రం నుండి ఓ టీజర్‌ కూడా విడుదల చేశారు. ఇకపోతే ఈ సినిమాలో కమెడియన్‌ సునీల్ నెగిటివ్ పాత్రలో కనిపించే ఛాన్స్ ఉన్నట్లు సమాచారం.
ఇప్పటికే జగపతిబాబు, ఆది వంటి కూల్ యాక్టర్స్ ని విలన్స్ గా చూపించిన బోయపాటి ఇప్పుడు సునీల్‌ను కూడా అదే తరహాలో కొత్తగా చూపించాలని ట్రై చేస్తున్నారట. అందుకోసం సునీల్‌కి డబుల్ రెమ్యునరేషన్ కూడా ఇచ్చినట్లు తెలుస్తోంది. కమెడియన్‌గా మూడు లక్షలకు పైగా డైలీ పేమెంట్ అందుకుంటున్న సునీల్ ఇప్పుడు నెగిటివ్ రోల్ కోసం అంతకంటే ఎక్కువగా డబుల్ పెమెంట్ అందుకునే ఛాన్స్ ఉందని ఇండస్ట్రీలో టాక్ వినిపిస్తోంది.
కమెడియన్‌గా దూసుకుపోతున్న సమయంలో హీరోగా మారిన సునీల్, పలు చిత్రాల్లో నటించారు. కానీ అందులో రెండు, మూడు మినహా మిగలినవి బాక్సాఫీస్ వద్ద బోల్తా కొట్టడంతో మళ్లీ కమెడియన్‌గా బిజీ అవ్వాలనుకుంటున్నారు. ఈ క్రమంలో ఇప్పటికే నాలుగైదు చిత్రాల్లో కీలక పాత్రల్లో కూడా నటించారు. ఇప్పుడు విలన్‌గా కూడా ప్రేక్షకులను మెప్పించబోతున్నాడు సునీల్.
