మరోసారి లేడి ఓరియెంటెడ్ కథతో అనుష్క..!

అరుంధతి,భాగమతి వంటి సినిమాలతో లేడి ఓరియెంటెడ్ సినిమాలకు కేరాఫ్‌గా మారింది అనుష్క. ప్రస్తుతం నిశ్శబ్దం సినిమాతో ప్రేక్షకుల ముందుకురానున్న అనుష్క తాజాగా మరో లేడి ఓరియెంటెడ్ చిత్రానికి గ్రీన్ సిగ్నల్ ఇచ్చినట్లు సమాచారం.

యువీ క్రియేషన్స్ బ్యానర్‌పై ఈ సినిమా తెరకెక్కనుండగా ఈ ప్రాజెక్టుకు అనుష్క ఓకే చెప్పింది. గతంలో అనుష్క హీరోయిన్‌గా యువీ క్రియేషన్స్‌ బ్యానర్‌పై తెరకెక్కిన భాగమతి బ్లాక్ బస్టర్ హిట్ కొట్టింది. ఈ నేపథ్యంలో మరోసారి అనుష్కతో మూవీ చేసేందుకు ముందుకొచ్చారు. ఈ ప్రాజెక్టుకి సంబంధించిన పూర్తి వివరాలు త్వరలో వెల్లడించనున్నారు.