ఆమె ఒక నటనాతరంగం .. అభిమానుల గుండెల్లో వెల్లువగోదావరిలా ఉప్పొంగింది.ప్రాంతాలకు అతీతంగా అభిమానులను సంపాదించుకుంది. పుట్టింది తమిళనాడులో అయిన తన నటనతో ఎక్కడికి వెళ్లిన తమ ఇంట్లో మనిషే భావన కలిగించింది. అర్ధశతాబ్దం పాటు భారతీయ సినీ పరిశ్రమను ఏలిన అందాల జాబిలి శ్రీదేవి.నాలుగు తరాల స్టార్ హీరోలందరితోనూ నటించిన హీరోయిన్‌గా రికార్డు సృష్టించిన శ్రీదేవి..భువి నుంచి దివికేగసిన ఆమె జ్ఞాపకాలు ఇప్పటికి సినీ ప్రేక్షకులను వెంటాడుతునే ఉన్నాయి.
తాజాగా శ్రీదేవికి అరుదైన ఘనత దక్కిన సంగతి తెలిసిందే. ప్రతిష్టాత్మక మేడమ్ టుస్సాడ్స్‌లో శ్రీదేవి మైనపు విగ్రహాన్ని ఏర్పాటుచేయనున్నట్లు నిర్వాహకులు ప్రకటించిన సంగతి తెలిసిందే. ఈనెల 3వ తేదీన సింగపూర్ లోని మేడమ్ టుస్సాడ్స్ లో శ్రీదేవి మైనపు విగ్రహం లాంచ్ జరుగుతుందని వారు తెలిపారు.
ఈ సందర్భంగా శ్రీదేవ మైనపు విగ్రహాపు ఫోటోను విడుదల చేశారు. బాలీవుడ్ నుండి అమితాబ్, హృతిక్, ఐశ్వర్య, షారుక్, మాధురి దీక్షిత్ మైనపు విగ్రహాలు కొలువుదీరగా టాలీవుడ్ నుండి కేవలం మహేష్, ప్రభాస్ మాత్రమే ఈ అరుదైన గౌరవం అందుకున్నారు.
