చిన్నస్వామి స్టేడియంలో ఐపీఎల్‌-10 ఎలిమినేటర్‌లో భాగంగా కోల్‌కతా నైట్‌రైడర్స్‌తో జరుగుతున్న మ్యాచ్‌లో సన్రైజర్స్ హైదరాబాద్‌ 7 వికెట్లు కోల్పోయి 128 పరుగులు చేసింది. కలకతా బౌలర్ల ధాటికి పరుగులు చేయడానికి సన్రైజర్స్ ఓపెనర్లు ఇబ్బంది పడ్డారు. ఉమేశ్ యాదవ్ వేసిన ఐదో ఓవర్ రెండో బంతికి భారీ షాట్‌కు ప్రయత్నించిన ఓపెనర్‌ శిఖర్‌ ధావన్‌ (11; 13 బంతుల్లో 1×4) ఔటయ్యాడు. అనంతరం విలియమ్సన్‌, డేవిడ్‌ వార్నర్‌లు పరుగులు తీయడానికి ఇబ్బందుల పడ్డారు. మూడు బంతుల వ్యవధిలోనే కేన్‌ విలియమ్సన్‌, డేవిడ్‌ వార్నర్‌ వికెట్లను తీసిన కోల్‌కతా.. సన్‌రైజర్స్‌ను భారీ దెబ్బకొట్టింది. కౌల్టర్‌నైల్‌ బౌలింగ్‌లో విలియమ్సన్‌(24: 26 బంతుల్లో 2×4, 1×6) సూర్యకుమార్‌ యాదవ్ చేతికి చిక్కగా.. పియూశ్‌ చావ్లా బౌలింగ్‌లో వార్నర్‌(37: 35 బంతుల్లో 2×4, 2×6) బౌల్డయ్యాడు. 16వ ఓవర్లో నాలుగో వికెట్ కోల్పోయింది. ఉమేశ్ యాదవ్ వేసిన ఆ ఓవర్ మూడో బంతిని యువరాజ్ సింగ్(9) భారీ షాట్ ఆడగా బౌండరీ లైన్ వద్ద పియూష్ చావ్లా క్యాచ్ అందుకున్నాడు. విజయ్‌ శంకర్‌(22), నామన్ ఓజా(16), జోర్డన్(9)లు తక్కువ స్కోరుకే ఔటవ్వడంతో సన్రైజర్స్ 128 పరుగులు చేయగలిగింది..
