కర్ణాటక రాజకీయాల్లో చెరగని ముద్ర ఆయనది. ఆరు దశాబ్దాల పాటు కన్నడ రాజకీయాలను శాసించిన నేత. ఎమ్మెల్యేగా,ఎంపీగా,స్పీకర్‌గా,కేంద్రమంత్రిగా, సీఎంగా,గవర్నర్‌గా ఇలా రాజకీయాల్లో అంచెలంచెలుగా ఎదిగిన గొప్ప నేత ఎస్‌ఎం కృష్ణ. ఇవాళ ఆయన పుట్టినరోజు.
ఎస్‌ఎం కృష్ణ పూర్తి పేరు సోమనహల్లి మల్లయ్య కృష్ణ. కర్ణాటకలోని మాండ్య జిల్లా మద్దూర్ తాలూకాలోని సోమనహళ్లి అనే గ్రామంలో వొక్కలిగ కుటుంబంలో జన్మించారు. ప్రేమ వివాహం చేసుకున్న కృష్ణకు ఇద్దరు కుమార్తెలు. కుమార్తె మాళవిక కృష్ణ, వ్యాపారవేత్త మరియు కేఫ్ కాఫీ డే వ్యవస్థాపకుడు దివంగత సిద్ధార్థను వివాహం చేసుకున్నారు.
జవహర్‌లాల్ నెహ్రూ ప్రచారం చేసిన భారత జాతీయ కాంగ్రెస్‌కు చెందిన ప్రముఖ రాజకీయ నాయకుడు కె వి శంకర్ గౌడ్‌ను ఓడించి, స్వతంత్ర అభ్యర్థిగా మద్దూరు విధాన సభ స్థానాన్ని గెలుచుకోవడం ద్వారా కృష్ణ తన ఎన్నికల రాజకీయ జీవితాన్ని 1962 సంవత్సరంలో ప్రారంభించారు. 1968లో సిట్టింగ్ ఎంపీ మరణించడంతో మాండ్య (లోక్‌సభ నియోజకవర్గం) ఉప ఎన్నికలో కాంగ్రెస్ అభ్యర్థిని ఓడించి గెలుపొందారు.మాండ్యా నియోజకవర్గం నుండి మూడు సార్లు ఎంపీగా పనిచేశారు.ఇందిరా గాంధీ, రాజీవ్ గాంధీ హయాంలో కేంద్రమంత్రిగా పనిచేశారు. 1989 నుండి 1993 మధ్య కర్ణాటక శాసనసభ స్పీకర్‌గా ,1993 నుండి 1994 వరకు కర్ణాటక ఉప ముఖ్యమంత్రిగా పనిచేశారు.
Also Read:హ్యాపీ బర్త్ డే… అజిత్
1999లో కర్ణాటక ప్రదేశ్ కాంగ్రెస్ కమిటీ అధ్యక్షుడిగా, అతను అసెంబ్లీ ఎన్నికలలో తన పార్టీని విజయపథంలో నడిపించి ముఖ్యమంత్రిగా బాధ్యతలు చేపట్టారు. ESCOMSతో విద్యుత్ సంస్కరణలు మరియు భూమిని డిజిటలైజేషన్ చేయడంలో కూడా అతను కీలక పాత్ర పోషించారు. తర్వాత మహారాష్ట్ర గవర్నర్‌ అయ్యారు.
Also Read:పాలమూరు – రంగారెడ్డి ప్రాజెక్టుపై సీఎం రివ్యూ..
తర్వాత మళ్లీ క్రియాశీలక రాజకీయాల్లోకి ఎంట్రీ ఇచ్చారు. రాజ్యసభ సభ్యునిగా ఎంపికై 22 మే 2009న ప్రధానమంత్రి మన్మోహన్ సింగ్ ఆధ్వర్యంలోని మంత్రి మండలిలో కేంద్ర విదేశాంగ మంత్రిత్వ శాఖ మంత్రిగా ప్రమాణ స్వీకారం చేశారు. 2017లో కాంగ్రెస్‌కు రాజీనామా చేసి బీజేపీలో చేరారు. ఇక 2023 జనవరిలో క్రియాశీలక రాజకీయాల నుండి తప్పుకుంటున్నట్లు ప్రకటించారు.
Also Read:May Day:కార్మిక దినోత్సవం
