అగ్ర హీరోలతో పోటీపడి సక్సెస్ సాధించాడు యంగ్ హీరో శర్వానంద్ దాంతో మరోసారి ఎన్టీఆర్ , మహేష్ బాబు లతో మహానుభావుడు చిత్రంతో పోటీ పడుతున్నాడు . ఎన్టీఆర్ జై లవకుశ హిట్ అయ్యింది మహేష్ స్పైడర్ పై భారీ అంచనాలు నెలకొన్నాయి అయినప్పటికీ శర్వానంద్ మాత్రం అస్సలు తగ్గడం లేదు. మహేష్ స్పైడర్ రిలీజ్ అయిన రెండు రోజుల కే తన మహానుభావుడు చిత్రాన్ని రిలీజ్ చేశాడు.
గతేడాది నాన్నకు ప్రేమతో.. సోగ్గాడే చిన్ని నాయన.. డిక్టేటర్ చిత్రాలు విడుదల అవుతుంటే.. వాటి మధ్యలో ఎక్స్ ప్రెస్ రాజాను నిలిపి ఆశ్చర్యపరిచాడు. చివరకు తను కూడా ఓ గెలుపు గుర్రంగా నిలిచాడు. ఈ ఏడాది సంక్రాంతికి కూడా సేమ్ సీన్. మెగాస్టార్ ఖైదీ నంబర్ 150.. బాలయ్య గౌతమిపుత్ర శాతకర్ణి రిలీజ్ అవుతుంటే.. వాటితో పాటే తన శతమానం భవతిని విడుదల చేశాడు శర్వా. చిరు సినిమా ఇండస్ట్రీ హిట్.. బాలయ్యకు కెరీర్ బెస్ట్ వచ్చినా.. తను కూడా కెరీర్ బెస్ట్ హిట్ అందుకున్నాడు.
ఇప్పుడు దసరాకు ఎన్టీఆర్ జై లవకుశ.. మహేష్ స్పైడర్ వస్తున్నాయని తెలిసినా.. మహానుభావుడు మూవీ విడుదల చేసేశాడు. మారుతి దర్శకత్వంలో తెరకెక్కిన ఆ చిత్రంలో మెహరీన్ కౌర్ హీరోయిన్ గా నటించింది. మరి శర్వానంద్ హిట్ కొడతాడా ? దెబ్బ తింటాడా ? అన్నది తెలాలంటే ఈనెల 29 వరకు ఎదురు చూడాల్సిందే.
