ఈ ఏడాది పాపులర్‌ ఇండియన్ సెలబ్రిటీ లిస్ట్‌లో టాప్‌లో బాలీవుడ్ స్టార్ హీరో షారుక్‌ ఖాన్ నిలిచారు. ఈ ఏడాది ప్రారంభంలోనే ‘పఠాన్‌’తో సూపర్‌ హిట్‌ను అందుకున్న షారుక్‌.. ‘జవాన్‌’తో దాన్ని కొనసాగించి టాక్‌ ఆఫ్‌ ది ఇండస్ట్రీగా మారారు. దీనితో, ఐఎమ్‌డీబీ (IMDb) విడుదల చేసిన ఈ లిస్ట్‌లో షారుక్‌ ఖాన్ మొదటి స్థానాన్ని సొంతం చేసుకున్నారు. ఇక టాప్2లో బాలీవుడ్ హీరోయిన్‌ అలియాభట్‌ నిలిచారు. మొత్తానికి ఈ బాలీవుడ్ బాద్‌షా చాలా గ్యాప్ తర్వాత ఫామ్ లోకి వచ్చాడు. ప్రస్తుతం వరుస సినిమాలు చేస్తున్నాడు.
ముఖ్యంగా షారుఖ్ ఖాన్, స్టార్ డైరెక్టర్ రాజ్ కుమార్ హిరానీతో కలిసి చేస్తున్న సినిమా ‘డంకీ’. డంకీ సినిమా నుంచి డ్రాప్ 2 అంటూ మొదటి పాటని రిలీజ్ చేశారు. ప్రస్తుతం హిందీలోనే ఈ పాట రిలీజయింది. ఆల్రెడీ షూటింగ్ పూర్తి చేసుకొని ప్రస్తుతం పోస్ట్ ప్రొడక్షన్ లో ఉంది ఈ సినిమా. ఇక డంకీ సినిమాని డిసెంబర్ 21న పాన్ ఇండియా వైడ్ రిలీజ్ చేస్తామని కూడా ప్రకటించారు. ఈ సినిమా పై కూడా భారీ అంచనాలు ఉన్నాయి. ప్లాప్ లేని దర్శకుడు రాజ్ కుమార్ హిరానీ ఈ సినిమాని డైరెక్ట్ చేయడంతో ఈ సినిమా కోసం బయ్యర్స్ ఎగబడుతున్నారు.
అందుకు తగ్గట్టుగానే ఫ్యాన్స్ కూడా ఈ సినిమా అడ్వాన్స్ బుకింగ్ కోసం ఇప్పటి నుంచే ఆసక్తిగా ఎదురు చూస్తున్నారు. ఇప్పుడున్న అంచనాలను బట్టి.. అడ్వాన్స్ బుకింగ్స్ ప్రారంభమైన ఒక్క రోజులోనే దాదాపు వీకెండ్ టికెట్స్ అన్నీ బుక్ అయిపోయేలా ఉన్నాయి. ఒకవేళ అదే జరిగితే.. అప్పుడు కచ్చితంగా ఇండియన్ బాక్సాఫీస్ వద్ద షారుఖ్ సరికొత్త రికార్డ్స్ క్రియేట్ చేయడం గ్యారెంటీ. ఏది ఏమైనా ప్రస్తుతం షారుఖ్ ఖాన్ టైమ్ నడుస్తోంది. ఇండియాలోనే నెంబర్ వన్ హీరోగా షారుఖ్ తన మార్క్ చూపిస్తూనే ఉన్నాడు.
Also Read:చలికాలంలో కీరదోస తింటే ఎన్నో ప్రయోజనాలో..!
