అప్పట్లో తెలుగులో భారీ బడ్జెట్ తో పాటు, భారీ అంచనాలతో విడుదలయిన సినిమా ‘అఖిల్’. ఈ సినిమాతోనే హీరో నాగార్జున తనయుడు అఖిల్ టాలీవుడ్ కి పరిచయమయ్యాడు. అఖిల్ తో పాటు తెలుగు తెరకు హీరోయిన్‌ గా పరిచయమైంది సయేషా సైగల్. ఈ సినిమాలో ఈ అమ్మడి అందాలకు తెలుగు ప్రేక్షకులు ఫిదా అయ్యారు. నాజూకు సౌందర్యంతో యూత్ హృదయాలను కొల్లగొట్టింది ఈ భామ.
ఆ సినిమా పై అప్పట్లో భారీ అంచనాలున్నప్పటికీ ‘అఖిల్’ ఆశించినంత విజయాన్ని మాత్రం అందుకోలేకపోయింది. దీంతో అటు అఖిల్ డీలా పడిపోయాడు. సయేషా సైగల్ ది అదే పరిస్థితి. ఆ సినిమా విడుదల తర్వాత సయేషాకి అంతగా అవకాశాలు రాలేదు. దాంతో బాలీవుడ్ లో అజయ్ దేవగణ్ మూవీ ‘శివాయ్’లో నటించింది. అక్కడ ఈ సినిమా ఆమెకి మంచి గుర్తింపునే తెచ్చిపెట్టింది.
ఇక ‘అఖిల్’, ‘శివాయ్’ సినిమాల తర్వాత ఈ అమ్మడు మరో మూవీకి కమిట్‌ అయింది. తన మూడో సినిమా అయిన ‘వన మగన్’ సినిమాను తమిళంలో చేస్తొంది ఈ ముద్దు గుమ్మ. జయం రవి కథానాయకుడిగా ఎ.ఎల్. విజయ్ దర్శకత్వంలో ‘వన మగన్’ సినిమా తెరకెక్కుతోంది. ఈ సినిమాతో కోలీవుడ్‌ లో కూడా అడుగు పెట్టింది సయేషా. ఈ సినిమా హిట్‌ అవుతే ఈ సుందరి కెరీర్‌ గాడిలో పడినట్టేనని అంటున్నారు సినీ విశ్లేషకులు. మొత్తానికి ‘అఖిల్’ దెబ్బతో ఈ అమ్మడు టాలీవుడ్ నుంచి బాలీవుడ్ కి, బాలీవుడ్ నుంచి కోలీవుడ్‌ కి జంప్‌ అయ్యిందన్నమాట.
