సవ్యసాచి….ఫస్ట్ పంచ్‌

ప్రేమమ్, రారండోయ్ వేడుక చూద్దాం సినిమాలతో సూపర్ హిట్లు కొట్టిన నాగచైతన్య..యుద్ధం చరణంతో కాస్త ఢీలా పడ్డాడు. దీంతో ప్రేమమ్‌ లాంటి సూపర్ సక్సెస్ అందించిన చందు మొండేటితో సినిమాకు గ్రీన్ సిగ్నల్ ఇచ్చేశాడు. వీరిద్దరి కాంబినేషన్‌లో మైత్రి మూవీ మేకర్స్ సంస్థ నిర్మిస్తున్న చిత్రం “సవ్యసాచి”. మాధవన్, భూమికలు ప్రత్యేక పాత్రలు పోషిస్తుండగా.. జూన్‌ 14న సినిమా ప్రేక్షకుల ముందుకురానుంది.

సినిమా ఫస్ట్ లుక్‌ 18న విడుదల కానుండగా రేపు(మార్చి 16న) ఫస్ట్ పంచ్‌ను విడుదల చేయనున్నారు. ఉదయం 10.30 గంటలకు విడుదల చేయనున్నారు. థ్రిల్లర్‌ సినిమాగా ప్రేక్షకుల ముందుకురానున్న ఈ చిత్రంపై భారీ అంచనాలు నెలకొన్నాయి.

ఈ సందర్భంగా చిత్ర నిర్మాతలు వై.నవీన్-వై.రవిశంకర్-మోహన్ లు మాట్లాడుతూ.. ఆడియన్స్ ను ఆశ్చర్యపరిచే స్థాయిలో సినిమా ఉంటుందని తెలిపారు. ఇక “బాహుబలి” తర్వాత కీరవాణి “సవ్యసాచి”కి సంగీతం సమకూర్చడం ప్రత్యేక ఆకర్షణగా నిలుస్తుందన్నారు.

నాగచైతన్య, నిధి అగర్వాల్, ఆర్.మాధవన్, భూమిక చావ్లా, రావు రమేష్, వెన్నెల కిషోర్, సత్య, తాగుబోతు రమేష్ తదితరులు నటిస్తున్న ఈ చిత్రానికి సంగీతం: ఎం.ఎం.కీరవాణి, ఛాయాగ్రహణం: యువరాజ్, కళ: రామకృష్ణ, కూర్పు: కోటగిరి వెంకటేశ్వర్రావు, పోరాటాలు: రామ్-లక్ష్మణ్, కో-డైరెక్టర్: చలసాని రామారావు, సి.ఈ.ఓ: చిరంజీవి (చిరు), లైన్ ప్రొడ్యూసర్: పి.టి.గిరిధర్, నిర్మాతలు: వై.నవీన్-వై.రవిశంకర్-మోహన్, కథ-స్క్రీన్ ప్లే-మాటలు-దర్శకత్వం: చందు మొండేటి.