బాలీవుడ్‌లో రణబీర్ కపూర్ మంచి క్రేజ్ ఉన్న హీరో. తాజాగా ఈ హీరోతో సినియర్ హీరో సంజయ్ దత్ జీవిత చరిత్ర ఆధారంగా సంజు సినిమాను తెరకెక్కించిన సంగతి తెలిసిందే. ఈ చిత్రం బాక్సాఫీస్ దగ్గర రికార్డు కలెక్షన్లు సాధిస్తోంది.దర్శకుడు రాజ్‌కుమార్ హిరాణీ దర్శకత్వం వహించిన ఈ బయోపిక్ లో రణ్ బీర్ తన నట విశ్వరూపం చూపించాడు. సంజు పాత్రలో అతడు ఒదిగిన తీరుకు ప్రేక్షకులతోపాటు విమర్శకులూ ఫిదా అయ్యారు. అందుకే ఈ చిత్రం విడుదలైన వారం రోజుల్లోనే దాదాపు రూ.200 కోట్లకు పైగా వసూలు చేసింది.
తాజాగా ప్రపంచవ్యాప్తంగా ఈ చిత్రం 500 కోట్లు వసూలు చేసి మరిన్ని రికార్డులు బద్దలు కొట్టేందుకు దూసుకుపోతోంది. విడుదలైన రెండువారాల్లో `సంజు`ప్రపంచవ్యాప్తంగా 500.43 కోట్లను రాబట్టింది. రణ్ బీర్ కెరీర్‌లో ఇది అతి పెద్ద హిట్‌గా నిలిచింది. 2018లో విడుదలైన సినిమాల్లో తొలిరోజు అత్యధిక వసూళ్లు రాబట్టిన సినిమాగా `సంజు`సరికొత్త రికార్డు క్రియేట్ చేసింది.
