రోడ్డు ప్రమాదంలో తీవ్రంగా గాయపడ్డ మెగా హీరో సాయిధరమ్ తేజ్ పూర్తిగా కోలుకున్నారు. కుటుంబ సభ్యులతో కలిసి దీపావళి వేడుకల్లో పాల్గొన్నారు.ఈ ఫొటోలో వీరిద్దరితోపాటు పవన్‌ కల్యాణ్‌, నాగబాబు, రామ్‌ చరణ్‌ తేజ్, వరుణ్‌ తేజ్, అల్లు అర్జున్, వైష్ణవ్‌ తేజ్, అకీరా కనిపించారు.
అందరి ఆశీస్సులు, దీవెనలు ఫలించి సాయిధరమ్ తేజ్ పూర్తిగా కోలుకున్నాడు. మా కుటుంబ సభ్యులందరికీ ఇది నిజమైన పండగ అని పేర్కొన్నారు. ‘నా పునర్జన్మకు కారణమైన మీ ప్రేమకు, ప్రార్థనలకు ఏమిచ్చి రుణం తీర్చుకోగలను. మీ ప్రేమ పొందడం నా పూర్వజన్మ సుకృతం’ అంటూ సాయి ధరమ్‌ తేజ్ ట్వీట్‌ చేశారు.
హైదరాబాద్‌లోని కేబుల్‌ బ్రిడ్జ్‌-ఐకియా సమీపంలో జరిగిన ప్రమాదంలో తీవ్ర గాయాలైన ఆయన్ను నగరంలోని ఓ ప్రముఖ ఆస్పత్రిలో చేర్పించి చికిత్స అందించారు. చికిత్సలో భాగంగా ఆయనకు కాలర్‌ బోన్‌ సర్జరీ చేశారు. ఆరోగ్యం మెరుగుపడిన తర్వాత దసరా పండగ రోజున డిశ్చార్జ్‌ అయ్యారు.
