‘రామ్ గోపాల్ వర్మ’ దర్శకత్వంలో వస్తున్న ‘వ్యూహం’ సినిమా రిలీజ్ కి కష్టాలు పడుతున్న సంగతి తెలిసిందే. టీడీపీ చీఫ్ చంద్రబాబు కీర్తి ప్రతిష్టలకు భంగం కలిగించేలా ఈ సినిమా ఉందని పేర్కొంటూ ‘వ్యూహం’ చిత్రంపై హైకోర్టులో పిటిషన్ దాఖలై.. చివరకు ఈ సినిమా విడుదలను నిలిపివేస్తూ కోర్టు ఆదేశాలు జారీ చేసింది. అప్పటి నుంచి వ్యూహం రిలీజ్ కోసం వర్మ తెగ ప్రయత్నాలు చేస్తున్నాడు. ఇందులో భాగంగానే.. వ్యూహం విడుదలకు లైన్ క్లియర్ అయింది. తెలంగాణ హైకోర్టు సూచనలతో ఈ మూవీని సెన్సార్ బోర్డు రెండోసారి సెన్సార్ చేసింది.
అనంతరం విడుదలకు హైకోర్టు అనుమతినివ్వడంతో మొత్తానికి వ్యూహం సినిమాకు కాలం కలిసి వచ్చింది. అటు హైకోర్టు తీర్పుపై చిత్ర దర్శకుడు ఆర్జీవీ హర్షం వ్యక్తం చేశాడు. అడ్డంకులు తొలిగిపోయినందుకు సంతోషంగా ఉందని, త్వరలోనే విడుదల తేదీని ప్రకటిస్తానంటూ వర్మ ట్వీట్ చేసిన సంగతి తెలిసిందే. ఐతే, ఈనెల 23న వ్యూహం సినిమా రిలీజ్ కానుంది. ఈ మేరకు సినిమా రిలీజ్ తేదీపై మూవీ దర్శకుడు రామ్ గోపాల్ వర్మ ప్రకటన చేశాడు. మరి వ్యూహం సినిమాతో ఆర్జీవీ ఎలాంటి వివాదాలు క్రియేట్ చేస్తాడో చూడాలి.
ఎలాగూ ఏపీ రాజకీయాల నేపథ్యంలో తెరకెక్కిన యాత్ర 2 సినిమా విజయం సాధించింది. ఎలాంటి వివాదం లేకుండా వచ్చిన యాత్ర 2 నే సక్సెస్ అయితే, ఇక అనేక వివాదాలతో పాటు అనేక చిక్కులను కూడా ఎదుర్కొని రాబోతున్న వ్యూహం, ఇక ఎలాంటి విజయాన్ని అందుకుంటుందో చూడాలి. ఐతే, నెటిజన్స్ మాత్రం ‘వ్యూహం’తో ఇంకా ఎన్ని వివాదాలు సృష్టిస్తారు వర్మా.. అంటూ కామెంట్స్ చేస్తున్నారు.
