వివాదాస్పద దర్శకుడు రాంగోపాల్ వర్మ కొత్త అవతారం ఎత్తనున్నాడు. ఇప్పటివరకు దర్శకుడిగా,కథా రచయితగా,నిర్మాతగా చివరికి గాయకుడిగా తనలోని కలలను రుచిచూపించిన వర్మ త్వరలో వెండితెరపై కనిపించనున్నాడు. తన పుట్టినరోజు సందర్భంగా ఈ విషయాన్ని ప్రకటించాడు ఆర్జీవీ.
గన్‌ షాట్‌ ఫిలింస్‌ సంస్థ తన తొలి ప్రయత్నంగా కోబ్రా అనే చిత్రాన్ని తెరకెక్కించనుంది. మాఫియా బ్యాక్ డ్రాప్లో ఈ చిత్రం ఉండనుంది. ఈ ప్రాజెక్ట్‌తో తొలిసారిగా వర్మ నటుడిగా వెండితెరకు పరిచయం కానున్నాడు. అయితే ఆ క్యారెక్టర్ సినిమా మొత్తం ఉంటుందా లేకపోతే గెస్ట్ రోల్ తరహాలో ఉంటుందా అనేది ఇంకా తెలియాల్సి ఉంది.
కొంత కాలంగా వరుస ఫెయిల్యూర్స్‌ ఇబ్బందుల్లో ఉన్న వర్మ తాజాగా లక్ష్మీస్‌ ఎన్టీఆర్‌తో సక్సెస్‌ ట్రాక్‌లోకి వచ్చాడు. తన నెక్ట్స్ సినిమా మాజీ సీఎం జయలలిత నెచ్చెలి శశికళపై తీస్తున్నానని ప్రకటించారు. కోబ్రా పూర్తైన తర్వాత ఈ సినిమా తెరకెక్కనున్నట్లు తెలుస్తోంది. సినిమా ఎప్పుడు మొదలవుతుంది, ఇతర నటీనటులెవరు అనే వివరాలు తెలియాల్సి ఉంది.
