చ‌రణ్ మూవీ ప్రీ రిలీజ్ ఈవెంట్ కు అతిధులుగా ఆ ఇద్ద‌రు..

మెగా ప‌వ‌ర్ స్టార్ రామ్ చ‌ర‌ణ్‌, మాస్ ద‌ర్శ‌కుడు బోయ‌పాటి శ్రీను కాంబినేష‌న్ లో తెర‌కెక్కుతోన్న చిత్రం విన‌య విధేయ రామ‌. ఈమూవీలో రామ్ చ‌ర‌ణ్ స‌ర‌స‌న కైరా అద్వాని హీరోయిన్ గా న‌టిస్తోంది. ప్ర‌ముఖ నిర్మాత డివివి దానయ్య ఈచిత్రాన్ని నిర్మిస్తున్నారు. సంక్రాంతి కానుక‌గా ఈసినిమాను జ‌న‌వ‌రి 11న విడుద‌ల చేయ‌నున్నారు. ఈసంద‌ర్భంగా ఈమూవీ ప్రీ  రిలీజ్ ఈవెంట్ ను గ్రాండ్ గా ఏర్పాటుచేయ‌నున్నారు చిత్ర‌యూనిట్. అందుకు సంబంధించిన స‌న్నాహాలు జ‌రుగుతున్నాయి.

వైజాగ్ లో ఈ ప్రిరిలీజ్ ఈవెంట్ వేడుక‌ను జ‌రుప‌నున్నట్లు వార్త‌లు వ‌స్తున్నాయి. ఈవేడ‌క‌కు ముఖ్యఅధితులుగా యంగ్ టైగ‌ర్ ఎన్టీఆర్, ద‌ర్శ‌కధీరుడు రాజ‌మౌళి హాజ‌ర‌వుతున్న‌ట్లుగా సోష‌ల్ మీడియాలో వార్త‌లు హాల్చ‌ల్ చేస్తున్నాయి. ఎన్టీఆర్, రామ్ చ‌ర‌ణ్ లు హీరోలుగా రాజ‌మౌళి మ‌ల్టీస్టార‌ర్ తెర‌కెక్కిస్తోన్న విష‌యం తెలిసిందే. ఓకే వేదిక‌పై ఇద్ద‌రు స్టార్ హీరోల‌తో పాటు ఇద్ద‌రు స్టార్ ద‌ర్శ‌కుడు కనిపించ‌డంతో సినిమాకు ప్ల‌స్ అవుతుంద‌ని భావిస్తున్నారు చిత్ర‌బృందం.