యంగ్‌ హీరో రామ్‌ కొత్త సినిమా కిషోర్‌ తిరుమల దర్శకత్వంలో తెరక్కెనుందన్న సంగతి తెలిసిందే. ఇప్పటికే వీరి కాంబినేషన్‌లో ‘నేను శైలజ’ సినిమా వచ్చింది. ఈ సినిమా రామ్‌కి బిగ్గెస్ట్‌ హిట్‌ని అందించింది. అయితే ఈ సినిమా తర్వాత రామ్‌ ‘హైపర్‌’ సినిమాతో ప్రేక్షకులను పలకరించినా ఈ సినిమా ఆశించిన స్థాయిలో విజయాన్ని అందుకోలేకపోయింది. అందుకే హిట్‌ కోసం వెయిట్‌ చేస్తున్న రామ్‌ మళ్లీ కిషోర్‌ తిరుమలతోనే సినిమా చేయడానికి రెడీ అవుతున్నాడు.
ఇక వీరిద్దరి కాంబినేషన్‌లో వస్తున్న ఈ సినిమా ఏప్రిల్‌లో ప్రారంభమయ్యే అవకాశముందని తాజా సమాచారం. అయితే ఈ సారి రామ్‌ కోసం న్యూ కాన్సెప్ట్‌ రెడీ చేశాడట కిషోర్‌ తిరుమల. ఈ సారి మాత్రం రామ్‌ చేయబోయే సినిమా సరికొత్తగా ఉండబోతోందని, గెటప్స్‌ దగ్గర్నుంచీ, స్టోరీ కాన్సెప్ట్‌ అంతా కొత్తగా ఉండబోతున్నాయని అంటున్నారు. అయితే ‘నేను శైలజ..’ సినిమాలోని స్టోరీ పాతదే అయినా.. డైరెక్టర్‌ టాలెంట్‌, రామ్‌ యాక్టింగ్‌ , ముద్దుగుమ్మ కీర్తి సురేష్‌ లక్‌ అన్నీ కలిసొచ్చి ఆ సినిమా మంచి హిట్‌ అందుకుంది.
ఇదిలా ఉంటే..రామ్‌,కిషోర్‌ కాంబినేషన్‌ లో వస్తున్న ఈ సినిమాకి అనూ ఇమ్మాన్యుయేల్‌ని హీరోయిన్ గా ఎంచుకోవాలనే యోచనలో చిత్ర యూనిట్‌ ఉన్నట్లు తెలుస్తోంది. ఈ ముద్దుగుమ్మ ప్రస్తుతం ‘కిట్టు ఉన్నాడు జాగ్రత్త’ సినిమాతో త్వరలోనే ప్రేక్షకుల ముందుకు రానుంది. అలాగే ‘ఆక్సిజన్‌’ సినిమాలో కూడా నటిస్తోంది. పవర్‌ స్టార్‌ పవన్‌ కళ్యాణ్‌ – త్రివిక్రమ్‌ సినిమాలో కూడా ఈ ముద్దుగుమ్మే హీరోయిన్.
