హైపర్ సినిమా తర్వాత రామ్ తన 15వ చిత్రంగా నేను శైలజ ఫేం కిషోర్ తిరుమల ద‌ర్శ‌క‌త్వంలో సినిమా చేస్తున్న సంగతి తెలిసిందే . ఈ చిత్రంలో రామ్ ని చాలా స్టైలిష్ గా ప్రజెంట్ చేయనున్నాడు దర్శకుడు. స్ర‌వంతి మూవీస్, పి.ఆర్ సినిమా బ్యాన‌ర్స్ సంయుక్తంగా ఈ చిత్రాన్ని నిర్మిస్తుంది.ఈ చిత్రంలో రామ్ సరసన అనుపమ పరమేశ్వరన్, మేఘా ఆకాశ్ కథానాయికలుగా నటిస్తున్నారు.
తాజాగా ఈ సినిమాకు ‘ఉన్నది ఒక్కటే జిందగీ’ అనే టైటిల్ ను కన్ఫార్మ్ చేయడంతో పాటు ఫస్ట్ లుక్ పోస్టర్ ను కూడా విడుదల చేసింది చిత్ర యూనిట్. ఈ మేరకు హీరో రామ్ తన ట్విట్టర్ ఖాతా ద్వారా ఫస్ట్ లుక్ ను అభిమానులతో పంచుకున్నారు. ఇప్పటికే కిశోర్ తిరుమలతో నేను శైలజ వంటి బ్లాక్ బస్టర్ హిట్ కొట్టిన రామ్ ‘ఉన్నది ఒక్కటే జిందగీ’తో మరో విజయంపై కన్నేశాడు.
ఫస్ట్ లుక్ పోస్టర్ లో రామ్ చాలా కొత్త, ఫ్రేష్ లుక్ లో కన్పిస్తున్నాడు. ఈ చిత్రానికి రాక్ స్టార్ దేవీ శ్రీ ప్రసాద్ బాణీలు అందిస్తున్నాడు. ఈ సినిమా ‘ట్రెండ్ మారినా ఫ్రెండ్ మారడు’ అనే ఫస్ట్ సింగిల్ ను ఫ్రెండ్ షిప్ డే సందర్భంగా ఆగస్టు 6 ఉదయం 10 గంటలకు విడుదల చేయనున్నట్లు మూవీ ఫస్ట్ లుక్ తో పాటు సాంగ్ రిలీజ్ ను కూడా తన ట్విట్టర్ ద్వారా రామ్ ప్రకటించాడు.
This one is going to be Super Fresh!!! #VOZ First Look! NEXT- #TrendMarinaFriendMaradu single Out Tomorrow at 10AM!!! #VunnadhiOkateZindagi pic.twitter.com/WJxCvz2Bz7
— RAm POthineni (@ramsayz) August 5, 2017
