ఓవైపు తన అందాలను ఆరబోస్తూనే.. కనీ కనిపించని తన అందాలతో కుర్రకారు గుండెల్లో గుబులు పుట్టిస్తూ యూత్‌ కి నిద్రపట్టకుండా చేస్తుంది యంగ్ బ్యూటీ రాశి ఖన్నా. టాలీవుడ్ లో ఈ అందాల అయస్కాంతం ఏ రేంజ్ లో అవకాశాలు అందిపుచ్చుకుంటోందో చూస్తూనే ఉన్నాం. స్టార్ హీరోల నుంచి యంగ్ హీరోల వరకు ప్రస్తుతం రాశీ మంత్రాన్నే జపిస్తోంది టాలీవుడ్. ప్రస్తుతం వరుస సినిమాలతో బిజీగా ఉన్న ఈ బొద్దుగుమ్మ కాస్త చిక్కడంతో రెట్టించిన జోష్‌తో ముందుకెళ్తోంది.
ఇక ఇవాళ అంతర్జాతీయ మహిళా దినోత్సవం సందర్భంగా మహిళలకు విషెస్ చెప్పిన రాశీ ఖన్నా ఓ స్పెషల్ వీడియో రిలీజ్ చేసింది. ‘బిలీవ్ ఇన్ యూ’ అనే టైటిల్ పై రూపొందించిన ఈ చిన్న వీడియోలో తను నటించడమే కాదు.. ప్రొడ్యూస్ కూడా చేసేసింది. నేరేషన్ కూడా రాశినే చెప్పేసింది. మిమ్మల్ని మీరు ఎందుకు నమ్మాలో.. చెప్పిన ఈ వర్డింగ్స్ అయితే చక్కగా కుదిరాయి.
అయితే తను వర్కవుట్స్ చేసి కాన్ఫిడెన్స్ తెచ్చుకుంది కాబట్టి.. అందరినీ వర్కవుట్స్ చేసేయమంటోందా.. లేకపోతే ఇంతగా ఎక్సర్ సైజులు చేసి తగ్గించుకున్న తన బాడీని చూపిస్తోందా అనే విషయం అర్ధం కాకపోవడంలో ఆశ్చర్యం లేదు. అయితే.. రాశి ఖన్నా చెప్పాలనున్న విషయంలో మాత్రం మ్యాటర్ ఉంది. బిలీవ్ ఇన్ యూ అంటూ ఆత్మవిశ్వాసం నింపే ప్రయత్నం చేసింది ఈ బ్యూటీ.
ప్రస్తుతం రాశీ ఖన్నా పలు సినిమాలతో బిజీగా ఉండగా ఉన్ని కృష్ణన్-మోహన్ లాల్ ప్రాజెక్ట్ తో మలయాళం ఎంట్రీ కూడా ఇచ్చింది. ఇందులో ఈ సుప్రీమ్ బ్యూటీ పోలీస్ ఆఫీసర్ పాత్ర పోషిస్తుందట. ఇక తెలుగులో గోపిచంద్ సరసన ఆక్సీజన్ మూవీలో నటించిన రాశి , రవితేజ టచ్ చేసి చూడు, జూనియర్ ఎన్టీఆర్ 27వ చిత్రాలలో కథానాయికగా నటించనుంది. తమిళంలో సైతాన్ కా బచ్చా చిత్రం ఈ అమ్మడికి డెబ్యూ మూవీ కాగా ప్రస్తుతం ఈ చిత్రంతోను బిజీగా ఉంది రాశీ.
