ఇవాళ జగిత్యాల జిల్లాలో పర్యటించనున్నారు జనసేన అధినేత పవన్ కళ్యాణ్. ఎన్నికల ప్రచారం కోసం సిద్ధం చేసిన వాహనం వారాహికి ప్రత్యేక పూజలు చేయనున్నారు. ఉదయం 11 గంటలకు కొండగట్టుకు చేరుకోనున్నారు పవన్ . అంజన్న ఆలయంలో ప్రచార రథం వారాహికి జనసేనాని ప్రత్యేక పూజలు నిర్వహించనున్నారు. అనంతరం మధ్యాహ్నం 2 గంటలకు నాచుపల్లి శివారులోని రిసార్టులో జనసేన పార్టీ ముఖ్య నేతల సమావేశంలో పవన్ పాల్గొననున్నారు.
సాయంత్రం 4 గంటలకు ధర్మపురి శ్రీలక్ష్మీ నారసింహ ఆలయంలో ప్రత్యేక పూజలు నిర్వహించి, అనుష్టుప్ నారసింహ యాత్రకు శ్రీకారం చుట్టనున్నారు. సాయంత్రం 5 గంటలకు జనసేన కార్యదర్శులతో పవన్ సమావేశం కానున్నారు. అసెంబ్లీ ఎన్నికలపై క్యాడర్ కు దిశానిర్దేశం చేయనున్నారు.
రాబోయే రోజుల్లో తెలంగాణలో జనసేన అనుసరించే వ్యూహం, చేపట్టబోయే కార్యక్రమాలపై పార్టీ నేతలతో చర్చించి దిశానిర్ధేశం చేయనున్నారు. పవన్ సమావేశం నేపథ్యంలో భారీగా ఫ్యాన్స్‌ హాజరు అయ్యే అవకాశం ఉంది.
ఇవి కూడా చదవండి..
