ఎన్టీఆర్ బ‌యోపిక్ ద‌ర్శ‌కుడిగా తెర‌పై కొత్త పేరు..?

దివంగ‌త నంద‌మూరి తార‌క‌రామ‌రావు జీవిత క‌థ ఆధారంగా సినిమా తెర‌కెక్కుతున్న విష‌యం తెలిసిందే. ఎన్టీఆర్ పాత్ర‌లో నంద‌మూరి బాల‌కృష్ణ న‌టించ‌నున్నారు. సినిమా సెట్స్ పైకి వెళుతుంద‌న్న స‌మ‌యంలోనే డైరెక్ట‌ర్ తేజ ఈ మెగా ప్రాజెక్ట్ నుండి త‌ప్పుకున్నారు. ఆయ‌న తప్పుకోవ‌టంతో కొంద‌రు సీనియ‌ర్ ద‌ర్శ‌కుల పేర్లు తెర‌పైకి వ‌చ్చాయి. ఈ లీస్టులో రాఘవేంద్రరావు, కృష్ణ‌వంశీ, పూరి జ‌గ‌న్నాధ్, క్రిష్ వంటి పేర్లు తాజాగా వినిపించాయి. కానీ ఇప్పుడు ఎవ‌రూ ఊహించ‌ని రీతిలో ఆ లీస్టులో బాల‌య్య పేరు కూడా వినిపిస్తుంది.

ప్ర‌తిష్టాత్మ‌కంగా తెర‌కెక్కిస్తున్న ఈ సినిమాకు బాల‌య్య‌ నిర్మాత‌గా వ్య‌వ‌హరించ‌డం అనేది విశేషం. నిర్మాత గానే కాకుండా ద‌ర్శ‌క‌త్వ బాధ్య‌త‌ల‌ను కూడా బుజాన వేసుకుంటున్నాడ‌న్న వార్త‌లు జోరుగా వినిపిస్తున్నాయి. గ‌తంలో బాల‌య్య ద‌ర్శ‌క‌త్వం కూడా చేయాల‌నుకున్నాడ‌ట‌. న‌ర్త‌న‌శాల సినిమాతో ఆయ‌న డైరెక్ట‌ర్‌గా మారుల‌నుకున్నారు. కానీ అనివార్య కార‌ణాల వ‌ల్ల ఆ సినిమాకు అడుగులు ప‌డ‌లేదు. మ‌రీ ఈ సినిమాకు బాల‌కృష్ణ ద‌ర్శ‌క‌త్వం వ‌హిస్తాడా..? లేదా అనేది తెలియాల్సి ఉంది. ఎన్టీఆర్ బ‌యోపిక్‌గా తెర‌కెక్కుతున్న ఈ చిత్రానికి కీర‌వాణి సంగీతం అందించ‌నున్నారు.