ప‌వ‌ర్ స్టార్ పవన్ కళ్యాణ్ ప్రొడక్షన్ లో నితిన్ సినిమా చేయబోతున్నాడు. ఈ సినిమా ప్రారంభోత్స‌వం ఈ రోజు జ‌రిగింది. పవన్ అంటే నితిన్ కి ఎంత ప్రాణమో .. నితిన్ అంటే పవన్ కి ఎంత అభిమానమో అందరికీ తెలిసిందే. ఈ నేపథ్యంలోనే నితిన్ తో తాను ఒక సినిమాను నిర్మిస్తున్నట్టుగా పవన్ చెప్పాడు.అయితే ఈ సినిమాకి త్రివిక్రమ్ ఇచ్చిన లైన్ ను దర్శకుడు కృష్ణ చైతన్య డెవలప్ చేశాడు. ఈ సినిమాను కొంతకాలం క్రితం చాలా సింపుల్ గా లాంచ్ చేశారు. అయితే అప్పటి నుంచి ఈ సినిమాకి సంబంధించిన అప్ డేట్స్ లేకపోవడంతో, ఈ ప్రాజెక్టు ఆగిపోయిందనే ప్రచారం జరుగుతోంది.
ఆ ప్రచారానికి తెరదించుతూ తాజాగా ఒక వార్త బయటికి వచ్చింది. త్వరలోనే ఈ సినిమా రెగ్యులర్ షూటింగ్ మొదలు కానున్నట్టు చెబుతున్నారు. అందుకు సంబంధించిన సన్నాహాలు చాలా వరకూ పూర్తయ్యాయట. ప్రస్తుతం అమెరికాలో ‘లై’ షూటింగులో వున్న నితిన్, ఈ నెల 14కి ఇండియా రానున్నాడు. ఆ తరువాత కొన్ని రోజులు విశ్రాంతి తీసుకుని ఈ సినిమా షూటింగులో జాయిన్ అవుతాడని అంటున్నారు.
అయితే ఈ సినిమా కథ చాలా కొత్తగా ఉండటం.. అలాగే కృష్ణ చైతన్య మాటల్లో పదును ఉండటంతో.. స్వయంగా త్రివిక్రమ్ ఈ సినిమాను ప్రొడ్యూస్ చేస్తున్నాడట. దీనిని పవన్ కళ్యాణ్ క్రియేటివ్ వర్క్స్ మరియు నితిన్ సొంత బ్యానర్ అయిన శ్రేష్ఠ్ మూవీస్ వారు సంయుక్తంగా కలసి నిర్మిస్తున్నారు. మొత్తానికి ఇతర హీరోలతో సినిమాలు నిర్మించాలనే పవన్ కళ్యాణ్ కల.. అలాగే సొంతంగా సినీ నిర్మాణం చేపట్టాలనే త్రివిక్రమ్ కల.. ఇలా నెరవేరుతున్నాయ్. ఇక్కడ ఇంకో అంశం ఏంటంటే.. నితిన్ అంటే పవన్ కు ఎంతిష్టమో.. కృష్ణ చైతన్య అంటే త్రివిక్రమ్ కు కూడా అంతే ఇష్టం. అందుకే ఈ కాంబినేషన్లో ఇప్పుడు దూసుకుపోతున్నారు.
