ఎల్లారెడ్డి ఎమ్మెల్యే జాజల సురేందర్ ఈరోజు పుట్టిన రోజు జరుపుకుంటున్నారు. ఈ మేరకు తన జన్మదినం సందర్భంగా గ్రీన్ ఇండియా ఛాలెంజ్‌లో భాగంగా మొక్కలు నాటారు. రాజ్యసభ సభ్యులు జోగినిపల్లి సంతోష్ కుమార్ ఎమ్మెల్యే జాజల పుట్టినరోజును పురస్కరించుకొని శుభాకాంక్షలు తెలియజేసి మొక్కలు నాటాలని ఇచ్చిన పిలుపునిచ్చారు.ఈ మేరకు నాగార్జున సాగర్ నియోజకవర్గంలోని తిరుమలగిరి మండల కేంద్రంలో స్థానిక నాయకులతో కలిసి మొక్కలు నాటారు ఎల్లారెడ్డి ఎమ్మెల్యే జాజల సురేందర్.
ఈ సందర్భంగా ఆయన మాట్లాడుతూ పకృతి ప్రేమికుడు అయినటువంటి సంతోష్ కుమార్ చేపట్టిన గ్రీన్ ఛాలెంజ్ ఎంతో అద్భుతంగా ముందుకు కొనసాగుతుందని.. భారతదేశం వ్యాప్తంగా ఈ కార్యక్రమాన్ని అద్భుతంగా ముందుకు తీసుకు పోతున్నారని తెలిపారు. ప్రతి ఒక్క పౌరులు బాధ్యతగా మొక్కలు నాటి వాటిని సంరక్షించాలి అని నా పుట్టినరోజు సందర్భంగా శుభాకాంక్షలు తెలియజేసి మొక్కలు నాటాలని పిలుపుమేరకు గ్రీన్ ఇండియా ఛాలెంజ్‌లో భాగంగా మొక్కలు నాటడం జరిగింది అని ఈ సందర్భంగా సంతోష్‌కు కృతజ్ఞతలు తెలియజేశారు.
ఈ చాలెంజ్‌లో భాగంగా తిరుమలగిరి సర్పంచ్ శ్రావణ్ రెడ్డి, ఎంపిటిసి రాజశేఖర్ రెడ్డి, ఉపసర్పంచ్ అంజయ్యలు స్వీకరించి మొక్కలు నాటాలని ఎమ్మెల్యే జాజల సురేందర్ పిలుపునిచ్చారు. గ్రీన్ ఇండియా ఛాలెంజ్‌ను స్వీకరించి పుట్టినరోజున మొక్కలను నాటినందుకు ఎమ్మెల్యే జాజలా సురేందర్‌కు ధన్యవాదాలు అని రాజ్యసభ సభ్యులు జోగినిపల్లి సంతోష్ కుమార్ ట్విట్టర్‌ ద్వారా తెలిపారు.
