తొట్లకొండ బౌద్ధ క్షేత్రాన్ని సందర్శించిన కేంద్ర మంత్రి మన్షుక్ మాండవీయ, బ్రిక్స్ దేశాల ప్రతినిధులుప్రముఖ బౌద్ధ పర్యాటక ప్రాంతమైన తొట్లకొండను కేంద్ర యువజన వ్యవహారాలు, క్రీడల శాఖ మంత్రి మన్షుక్ మాండవీయ సందర్శించారు. ఆయనతో పాటు 11 బ్రిక్స్ (BRICS) సభ్య దేశాలకు చెందిన యువజన, క్రీడా శాఖల మంత్రులు మరియు విదేశీ ప్రతినిధి బృందం ఈ చారిత్రక ప్రాంతాన్ని పర్యటించింది.
పర్యాటనలో భాగంగా పర్యావరణ పరిరక్షణ సందేశాన్ని ఇస్తూ కేంద్ర మంత్రి మన్షుక్ మాండవీయ మరియు ఇతర ప్రతినిధులు తొట్లకొండ ప్రాంగణంలో మొక్కలు నాటారు.బౌద్ధ అవశేషాల పరిశీలనసందర్శన సందర్భంగా ప్రతినిధులు తొట్లకొండలోని ప్రాచీన నిర్మాణాలను ఆసక్తిగా పరిశీలించారు:మహా స్థూపం: బౌద్ధ సంస్కృతికి ప్రతిరూపంగా నిలిచే మహా స్థూపాన్ని సందర్శించారు.
నాటి భిక్షువుల నీటి అవసరాలు, వంటశాలల నిర్వహణ తీరును పరిశీలించారు.ధ్యాన కేంద్రాలు: బౌద్ధ సన్యాసులు ధ్యానం చేసుకోవడానికి ఉపయోగించిన ప్రశాంత ప్రదేశాలను సందర్శించారు. చారిత్రక విశిష్టతలపై వివరణఈ సందర్భంగా కేటాయించిన పర్యాటక గైడ్, తొట్లకొండ యొక్క చారిత్రక నేపథ్యాన్ని మరియు బౌద్ధ ధర్మ వ్యాప్తిలో ఈ ప్రాంతం పోషించిన విశిష్ట పాత్రను వివరించారు. అక్కడ లభించిన పురావస్తు అవశేషాలు, నాటి బౌద్ధ భిక్షువుల జీవన విధానం, విదేశాలతో సాగిన వ్యాపార మరియు సాంస్కృతిక సంబంధాల గురించి తెలుసుకుని బ్రిక్స్ ప్రతినిధులు విశేషంగా ఆకట్టుకున్నారు.
Also Read:ట్రంప్తో వాణిజ్య చర్చలు రద్దు!