మూడేళ్ల గ్యాప్ తర్వాత తిరిగ మేకప్ వేసుకునేందుకు సిద్ధమయ్యాడు హీరో మంచు మనోజ్. 2017లో ఒక్కడు మిగిలాడు చిత్రంలో నటించాడు. ఈ మూవీ బాక్సాఫీస్ వద్ద బొళ్తా కొట్టడంతో సినిమాలకు విరామం తీసుకున్నాడు మనోజ్.
తాజాగా తన సినిమాకు సంబంధించిన అప్‌డేట్‌ని ఇచ్చాడు మనోజ్. మూడేళ్ల తర్వాత మీ ముందుకొస్తున్నా. నా మొదటి సినిమా దొంగ దొంగది సమయంలో ఎలా ఫీలయ్యానో..ఇప్పుడు అదే భావోద్వేగంతో ఉన్నా. తెర వెనుక, తెరపై సాగుతున్న నా ప్రయాణంలో నాకు మద్దతుగా నిలుస్తున్న ప్రతీ ఒక్కరికి ధన్యవాదాలు అని తెలిపాడు. సినిమాకు సంబంధించిన టైటిల్‌ లుక్‌ని రివీల్ చేశాడు.
పాన్ ఇండియా మూవీగా తెరకెక్కుతున్న ఈ చిత్రానికి శ్రీకాంత్‌ ఎన్‌ రెడ్డి దర్శకత్వం వహిస్తున్నాడు. తన సొంత బ్యానర్‌ ఎంఎం ఆర్ట్స్‌ బ్యానర్‌ తెరకెక్కనున్న ఈ చిత్రానికి అహం బ్రహ్మాస్మి అనే టైటిల్‌ని ఖరారుచేశాడు. మార్చి 6న సినిమా షూటింగ్ ప్రారంభంకానుంది. తెలుగు, తమిళ్, కన్నడ, మలయాళం,హిందీ భాషల్లో సినిమా రిలీజ్ కానుంది.
