ఏపీ రాజకీయాల్లో సరికొత్త చరిత్ర సృష్టించిన వైసీపీ అధినేత జగన్‌కు శుభాకాంక్షలు వెల్లువెత్తుతున్నాయి. సినీ,రాజకీయ రంగాలకు చెందిన ప్రముఖులు జగన్‌కు విషెస్ చెప్పారు. తాజాగా ప్రిన్స్ మహేష్ బాబు..జగన్‌కు కంగ్రాట్స్ తెలిపారు. గొప్ప విజయం సాధించినందుకు అభినందనలు,మీ హయాంలో ఏపీ గొప్ప విజయాల్ని చూస్తుందని ఆశీస్తున్నానని చెప్పారు.
ఇక ఇప్పటికే రవితేజ, మంచు మోహన్ బాబు, నిఖిల్, మంచు విష్ణు, రాజశేఖర్, నాగార్జున, సుమంత్ లాంటి వాళ్లంతా జగన్‌కు విషెస్ తెలుపగా పోసాని కృష్ణమురళి ఏకంగా గుడిలో ప్రత్యేక పూజలు నిర్వహించారు.
మరోవైపు వైసీపీ ఎమ్మెల్యేలు, ఎంపీలు గుంటూరు జిల్లా తాడేపల్లిలోని జగన్ నివాసానికి చేరుకుంటున్నారు. అధినేతను అభినందనలు తెలియజేస్తున్నారు. పరిపాలనలో కీలకమైన ఐఎఎస్‌లు ఐపీఎస్‌లు కూడా జగన్ కలిసి ఆయన్ను అభినందిస్తున్నారు. పార్టీ ఎమ్మెల్యేలు, ఎంపీలు అధికారుల రాకతో జగన్ నివాసం సందడిగా మారింది.
Congratulations @ysjagan on your landslide victory in Andhra Pradesh. May the state achieve great heights of success and prosperity in your tenure as the CM. 👍👍
— Mahesh Babu (@urstrulyMahesh) May 24, 2019
 24 May 2019.){kind=link}