సూపర్ స్టార్ మహేష్ బాబు హీరోగా మాటల మాంత్రికుడు త్రివిక్రమ్ దర్శకత్వంలో తెరకెక్కుతున్న సినిమా ‘SSMB28’. తాజాగా ఈ సినిమా గురించి ఓ క్రేజీ అప్‌డేట్ వచ్చింది. ఈ సినిమా షూటింగ్ ఈ నెల 18వ తేదీ నుంచి మొదలు కానుంది. జనవరి 18 నుంచి ఫిబ్రవరి 02వ తేదీ వరకు ఒక లాంగ్ షెడ్యూల్‌ను త్రివిక్రమ్ ప్లాన్ చేసినట్లు తెలుస్తోంది. కాగా, ఈ షెడ్యూల్ లో యాక్షన్ సీన్స్ ను షూట్ చేయబోతున్నారు. ఇక ఈ మూవీ కథేంటి ? జోనర్ ఏంటీ ? అనే ప్రశ్నలు అభిమానులను తొలిచేస్తున్నాయి.
ఐతే, ఇదొక పొలిటికల్ అడ్వెంచర్ అని, ఇంకా స్టోరీలో చాలా ఇంట్రెస్టింగ్ ఎలిమెంట్స్ ఉన్నాయని తెలుస్తోంది. మహేష్ – త్రివిక్రమ్ గత చిత్రాలకు మించి భారీ బడ్జెట్ తో ఈ చిత్రం తెరకెక్కుతుంది. మహేష్ తో త్రివిక్రమ్ సినిమా అంటే.. భారీ యాక్షన్ తో పాటు భారీ తారాగణం కూడా ఉంటుంది. అందుకే, ఈ మూవీలో మహేష్ కి జంటగా పూజా హెగ్డే నటిస్తోంది.
గతంలో మహేష్-పూజా కాంబినేషన్ లో మహర్షి చిత్రం తెరకెక్కింది. అది సూపర్ హిట్ అయినట్టే.. ఇది కూడా సూపర్ హిట్ అవుతుందేమో చూడాలి. అలాగే ఈ సినిమాలో జాన్వీ కపూర్ ను సెకండ్ లీడ్ గా తీసుకోనున్నారు. ప్రధాన విలన్ గా సంజయ్ దత్ ను తీసుకోబోతున్నారు. మొత్తానికి ఈ న్యూస్ మహేష్ ఫ్యాన్స్ కి ఫుల్ కిక్ ఇస్తోంది.
ఇవి కూడా చదవండి…
