టాలీవుడ్ క్రిటిక్ మహేష్ కత్తి… ఈ మధ్య వివాదాలకు కేంద్ర బిందువుగా మారాడు. ఈ రోజు విడుదలైన సూపర్ స్టార్ మహేష్ బాబు నటించిన ‘స్పైడర్’ సినిమాపై తన అభిప్రాయాన్ని వెల్లడించాడు.
సోషల్ మీడియా ద్వారా తన రివ్యూను ఇచ్చిన మహేష్ కత్తి… ‘స్పైడర్’ సినిమా చాలా గొప్ప ఐడియా అని కొనియాడాడు. కానీ, ఈ సినిమా కథ మాత్రం చాలా నిరాశపరుస్తుందని తెలిపాడు. ప్రేక్షకుడి సహనాన్ని ఈ సినిమా పరీక్షిస్తుందని అన్నాడు. చెత్తగా ఉన్న గ్రాఫిక్స్, తక్కువ నిడివిగల ఇతర క్యారెక్టర్లు సినిమాను పూర్తి స్థాయిలో రక్తికట్టించలేకపోయాయని తెలిపాడు.
“‘స్పైడర్’ అనేది సూపర్ హీరో ఫిల్మ్. హీరో ఒక ఫోన్ డేటా సర్వైలెన్స్ ఎక్స్ పర్ట్. విలన్ సైకోపాత్ కిల్లర్. ఎలాంటి క్రైమ్ జరగకుండా ముందుగానే తన తెలివితేటలను ఉపయోగించి… అసాధారణమైన, ఒక పర్వర్టెడ్ విలన్ ను అడ్డుకోవడమే హీరో క్యారెక్టర్. ఈ క్రమంలో హీరో ఎలాంటి సవాళ్లను ఎదుర్కొంటాడు, ఎలా ఆట కట్టిస్తాడు అనేదే సినిమా కథ” అని మహేష్ కత్తి తెలిపాడు.
మహేబాష్ బాబు అద్భుతమైన నటన, సంతోష్ శివన్ సినిమాటోగ్రఫీ ప్రేక్షకులను సీట్లలో ఉండేలా చేస్తాయాని మహేష్ చెప్పాడు. హారిస్ జయరాజ్ మ్యూజిక్ బాగుందని తెలిపాడు. సినిమాలో హీరోయిన్ రకుల్ ప్రీత్ సింగ్ కు ఎలాంటి ప్రాధాన్యత లేదని చెప్పాడు. మొత్తంమీద ఆకట్టుకోలేనటువంటి సినిమాను మురుగదాస్ తెరకెక్కించాడని తేల్చి చెప్పేశాడు మహేష్ కత్తి.
