రౌడీ బాయ్‌ విజయ్‌ దేవరకొండ, పాథ్‌ బ్రేకింగ్‌ స్టార్ కాంబీనేషన్‌లో వచ్చిన పాన్‌ ఇండియా మూవీకి బాయ్‌కట్‌ సెగ తగిలింది. లాల్‌ సింగ్‌ చడ్డా మూవీని హిందీలో బాయ్‌కట్‌ చేసినట్టుగానే… అదే బాటలో విజయ్‌ దేవరకొండ మూవీ కూడా బాటలు ఏర్పాటు చేసుకుందని సినీ వర్గాల విశ్లేషణ. దానికి కారణం విజయ్‌ దేవరకొండ నోటి దూల అని విమర్శిస్తున్నారు.
తాజాగా లైగర్ సినిమా ప్రమోషన్‌లో భాగంగా హైదరాబాద్‌లో ఏర్పాటు చేసిన ప్రేస్‌మీట్‌లో లాల్‌ సింగ్‌ చడ్డా గురించి మాట్లాడటమే కారణమని తెలుస్తుంది. దీనికి సంబంధించిన ఫోటోలనూ కూడా జత చేస్తున్నారు. నేపోటిజం, వివిధ వర్గాల మనోభావాలు దెబ్బతినేలా మాట్లాడటమే ప్రధాన కారాణాలుగా చెబుతున్నారు. ముఖ్యంగా అమిర్‌ఖాన్‌ కు ఏవరూ సపోర్ట్‌గా మాట్లాడిన వాళ్ల సినిమాలను బాయ్‌కట్‌ రూపంలో తమ అభిప్రాయాలను వ్యక్త పరుస్తున్నారు సినీ ప్రేమికులు. కానీ ఈ సెగ మాత్రం లైగర్ సినిమాకే కాక మొత్తంగా తెలుగు సినీ ఇండస్ట్రీపై ప్రభావం ఉంటుందని పలువురు సినీ విశ్లేషకులు అభిప్రాయపడుతున్నారు.
పాన్‌ ఇండియా స్టార్ అయ్యే సరికి విజయ్‌కి గర్వం పెరిగిందంటూ పలువురు విమర్శిస్తున్నారు. మరి కొంతమంది ఎవరి సపోర్ట్‌ లేకుండా ఏదిగిన విజయ్‌కి సపోర్ట్‌ చేస్తామని హాష్‌ట్యాగ్‌ ద్వారా స్పందిస్తున్నారు. మొత్తానికైతే సినీ ప్రేమికులు మాత్రం రెండు గ్రూపులుగా విడిపోయారు. ముఖ్యంగా తెలుగు ప్రేక్షకులు మాత్రం విజయ్‌కి సపోర్ట్‌ చేస్తే నార్త్‌ ప్రేక్షకులు మాత్రం విమర్శిస్తున్నారు. అందుకే పలువురు సినీ ప్రేమికులు లైగర్ ను బాయ్‌కట్‌ చేయాలని… ఇంకా మరి కొందరు దానికి సపోర్ట్‌ చే యాలని సోషల్‌ మీడియా వార్తలు వస్తున్నాయి. కాగా లైగర్ చిత్రానికి కరణ్‌ జోహర్‌ నిర్మాతగా ఉండటం కూడా కారణం కావచ్చని పలువురు అభిప్రాయపడుతున్నారు. అందుకే దీన్ని వ్యతిరేకిస్తున్నామంటూ బాయ్‌కట్‌ లైగర్… ట్యాగ్‌ జతచేస్తూ పలువరు నెటిజన్లు ట్వీట్స్ చేస్తున్నారు.
