జూనియర్ ఎన్టీఆర్ – కొరటాల శివ కాంబోలో రెండో మూవీగా తెరకెక్కుతున్న దేవర మూవీపై క్రేజ్ మాములుగా లేదు. దేవర ఫస్ట్ లుక్ లోనే ఎన్టీఆర్ ఎలాంటి క్యారెక్టర్ చేస్తున్నాడో అనేది కొరటాల శివ రివీల్ చేసేసారు. పవర్ ఫుల్ మాస్ క్యారెక్టర్ లో ఎన్టీఆర్ కనిపించబోతున్నాడు. ప్రస్తుతం ఈ చిత్రానికి సంబంధించిన యాక్షన్ సీక్వెన్స్ ను షూట్ చేసేందుకు మేకర్స్ సిద్ధమవుతున్నారనే న్యూస్ తో ఎన్టీఆర్ అభిమానులు పండగ చేసుకోవడానికి రెడీ అవుతున్నారు. అయితే తాజాగా దేవర మూవీ స్టోరీ లైన్ పై ఓ ఆసక్తికర న్యూస్ సోషల్ మీడియాలో వినిపిస్తోంది.
దేవర సినిమాలో, సముద్రం నేపథ్యంలో జరుగుతున్న అక్రమ కార్యకలాపాలను బయటపెట్టేందుకు పనిచేస్తున్న జాలరి నాయకుడు జగపతి బాబును ప్రధాన విలన్ భైరా (సైఫ్ అలీఖాన్) చాలా దారుణంగా చంపేస్తాడు. ఐతే, ఆ నాయకుడు కుటుంబానికి చెందిన దేవర అనే యువకుడు విలన్స్ కి ఎదురుతిరగడం, అసాంఘిక కార్యకలాపాల్ని అడ్డుకుని హీరోగా మారడం వంటి అంశాలతో దేవర ఉండబోతుందట. మరి ఇది రివెంజ్ డ్రామానే అయినా కొరటాల శివ తన మార్క్ ఉండేలా కథని రాసుకున్నారట. జాన్వీ కపూర్ హీరోయిన్ గా నటిస్తున్న ఈ చిత్రంలో ఎన్టీఆర్ డ్యూయెల్ రోల్ చేస్తున్నాడు.
దేవర ఫస్ట్ పార్ట్ 1 ఎండింగ్ లో నిజమైన దేవర (ఓల్డ్ ఎన్టీఆర్) ను రివీల్ చేసి.. సీక్వెల్ లో ఆ ఓల్డ్ క్యారెక్టర్ పాయింట్ ఆఫ్ వ్యూలో సీక్వెల్ ను నడపాలని కొరటాల శివ ప్లాన్ చేస్తున్నాడు. ఏది ఏమైనా ‘దేవర’ ఈ టైటిల్ వినడానికి చాలా వినసొంపుగా ఉంది. పైగా ఈ సినిమా కోసం కొరటాల శివ తన శక్తిని అంతా ధారపోసి సినిమా చేస్తున్నాడు. కాబట్టి.. ఈ సినిమా పై మంచి అంచనాలు క్రియేట్ అయ్యే ఛాన్స్ లు ఎక్కువగా ఉన్నాయి. అందుకే తన ఇమేజ్ తో పాటు తన పాన్ ఇండియా స్టార్ డమ్ ను కూడా పక్కన పెట్టి.. ఎన్టీఆర్ ఈ సినిమా కోసం కిందామీదా పడుతున్నాడు. మరి ఈ సినిమా ఏ రేంజ్ విజయాన్ని సాధిస్తోందో చూడాలి.
Also Read:టైగర్‌ నాగేశ్వరరావు మేకర్స్‌పై ఐటీ రైడ్స్
