ధమాకాలో జాతిరత్నాలు బ్యూటీ!

ఈ ఏడాది వరుస సినిమాలతో అలరించేందుకు సిద్ధమవుతున్నారు మాస్ రాజా రవితేజ. ప్రస్తుతం రామారావు ఆన్ డ్యూటీ, థమాకా చిత్రాలు ఇప్పటికే షూటింగ్ శరవేగంగా జరుపుకుంటుండగా ఈ సినిమాకు సంబంధించి ఆసక్తికర అప్‌డేట్ వచ్చేసింది.

ఈ సినిమాలో రవితేజ మరోసారి డ్యుయెల్ రోల్‌లో నటించనుండగా జాతిరత్నాలు ఫేం బ్యూటీ ఫరియా అబ్దుల్లా ఓ కీలక పాత్రలో నటిస్తుందట. ఫరియా అబ్దుల్లా రవితేజ సోదరి పాత్రలో నటిస్తుందని తెలిపారు మేకర్స్‌.

ఈ పాత్ర సినిమాలో చాలా కీలకం కానుందని వెల్లడించారు. ఈ సినిమాకు సంబంధించిన తాజా షెడ్యూల్ హైదరాబాద్‌లో ప్రారంభమైనట్లు చిత్ర యూనిట్ తెలిపింది. ఈ సినిమాను టీజీ విశ్వప్రసాద్ ప్రొడ్యూస్ చేస్తుండగా, వీలైనంత త్వరగా ఈ సినిమా షూటింగ్ ముగించుకుని చిత్రాన్ని రిలీజ్ చేయాలని చిత్ర యూనిట్ భావిస్తోందట.