మారుతీ దర్శకత్వంలో ప్రభాస్‌ కథానాయకుడిగా ఓ చిత్రం పట్టాలెక్కనున్న విషయం తెలిసిందే. పీపుల్స్‌ మీడియా ఫ్యాక్టరీ పతాకంపై టీజీ విశ్వప్రసాద్‌ నిర్మిస్తున్న ఈ సినిమాకు ఇటీవల పూజా కార్యక్రమాలు నిర్వహించారు. త్వరలోనే సెట్స్‌పైకి వెళ్లనుంది. ఇందులో ప్రభాస్‌కి జోడిగా ముగ్గురు కథానాయికలు నటిస్తారని టాలీవుడ్‌లో టాక్‌. అయితే ఈ క్రమంలోనే మరో విషయం టాలీవుడ్‌ లీక్‌ చేసింది. ఇందులో ప్రభాస్‌ ద్విపాత్రాభినయం చేస్తారని టాక్‌. హారర్‌ కామెడీ నేపథ్యంలో మారుతీ దీన్ని తీర్చిదిద్దనున్నారు. తాత-మనవడుగా రెండు పాత్రల్లోనూ ప్రభాసే నటించనున్నారని సమాచారం దీనిపై చిత్ర బృందం అధికారకంగా స్పందించాల్సి ఉంది. రాజా డీలక్స్ అనే పేరు కూడా ప్రచారంలో ఉంది.
బహుబలి తర్వాత వరుస చిత్రాలతో బీజిగా ఉన్నారు. రాధేశ్యామ్‌, సాహో ప్లాఫ్‌ అయిన కూడా ప్రభాస్‌ క్రేజీ ఏమాత్రం తగ్గలేదు. దీంతో వరుసగా చిత్రాల్లో నటిస్తున్న ప్రభాస్‌ బాక్సాఫీస్‌ దగ్గర తన సినిమా కలెక్షన్‌ ఏవిధంగా ఉంటుందో వేచి చూడాలి. ప్రశాంత్‌నీల్‌ దర్శకత్వంలో సలార్‌, ఓం రౌత్‌ దర్శకత్వంలో ఆదిపురుష్‌, నాగ్‌ ఆశ్విన్‌తో ప్రాజెక్ట్‌-కే సినిమాలు చేస్తున్నారు. ఇవి కాకుండా సందీప్‌ వంగాతో స్పిరిట్‌, సిద్ధార్థ్‌ ఆనంద్‌తో ఓ స్పై థ్రిల్లర్‌ సినిమాలు త్వరలోనే సెట్స్‌ వెళ్లనున్నాయని టాలీవుడ్‌ టాక్‌.
