దేశంలో 44 వేలుదాటిన కరోనా మృతుల సంఖ్య…

దేశంలో కరోనా పాజిటివ్ కేసుల సంఖ్య 22 లక్షలు దాటాయి. గత 24 గంటల్లో 62,064 పాజిటివ్ కేసులు నమోదుకాగా 1007 మంది మృత్యువాతపడ్డారు.ఇక ఇప్పటివరకు కరోనా పాజిటివ్ కేసుల సంఖ్య 22,15,075కు చేరగా 44,386 మంది మృత్యువాతపడ్డారు. ఇప్ప‌టివ‌ర‌కు 6,34,945 కేసులు యాక్టివ్‌గా ఉండ‌గా, 15,35,744 మంది బాధితులు కరోనా నుండి కోలుకున్నారు. కరోనాతో ఇప్పటివరకు 44 వేలకు పైగా మృత్యువాతపడ్డారు.

దేశంలో క‌రోనా బారి నుంచి కోలుకున్న‌వారి సంఖ్య 15 ల‌క్ష‌లు దాటగా కొత్త‌గా న‌మోద‌వుతున్న పాజిటివ్ కేసుల్లో 80 శాతం ప‌ది రాష్ట్రాల్లోనే ఉన్నాయ‌ని తెలిపింది. ఇప్పటివరకు 2,45,83,558 మందికి కరోనా టెస్టులు చేయగా గత 24 గంటల్లో 4,77,023 టెస్టులు చేశామని ఐసీఎంఆర్ వెల్లడించింది.